Gevorg Hatityan
Quick Facts
Biography
Գևորգ Նազարի Հատիտյան (ապրիլի 19, 1924(1924-04-19), Հալեպ, Սիրիա - հունվարի 5, 1984(1984-01-05), Լենինական, Հայկական ԽՍՀ, ԽՍՀՄ), հայ գրականագետ, ԽՍՀՄ գրողների միության անդամ 1956 թվականից։
Կենսագրություն
Ծնվել է Հալեպ (Սիրիա) քաղաքում։ 1940 թվականին ավարտել է տեղի Կրթասիրաց ազգային վարժարանը։ Աշխատակցել է «Զարթոնք», «Արարատ» օրաթերթերին, «Հայ գիր», «Ծիածան», «Կայծ» գրական ամսագրերին։ 1946 թվականին ներգաղթել է Հայաստան և բնակություն հաստատել Լենինական քաղաքում։ 1952 թվականին ավարտել է Երևանի հեռակա մանկավարժական ինստիտուտի լեզվագրական ֆակուլտետը։ 1963 թվականից ֆրանսերեն է դասավանդել Լենինականի միջնակարգ դպրոցներում։ Կյանքի վերջին տարիներին հայ գրականություն է դասավանդել Լենինականի Մ. Նալբանդյանի անվան մանկավարժական ինստիտուտում։ 1959 թվականին «Արագած» ալմանախում տպագրվել է Դանիել Վարուժանին նվիրված նրա ընդարձակ ուսումնասիրությունը։ Մահացել է Լենինականում:
Գ. Հատիտյանի երկերի մատենագրություն
- Ռուբեն Սևակ (գրաքննադատական վերլուծության փորձ), Երևան, Հայպետհրատ, 1959, 87 էջ։
Ծանոթագրություններ
- ↑ Հայկ Խաչատրյան (1986)։ Գրական տեղեկատու։ Երևան: «Սովետական գրող»։ էջ էջ 285
- ↑ Հատիտյան Գևորգ Նազարի (1959)։Տարոնցի Սողոմոն, ed.։ Ռուբեն Սևակ: Կյանքն ու գրական գործունեությունը։ Երևան: Հայպետհրատ