Cor van Gogh

Cornelis Vincent (Cor) van Gogh (* 17 Mei 1867, Zundert - † 14 April 1900, Brandfort) was ’n Nederlandse immigrant na Suid-Afrika, kunstenaar en Boerekryger tydens die Tweede Vryheidsoorlog.

Van Gogh, jongste broer van die bekende skilder Vincent het in ’n pastorie in Zundert grootgeword.In 1871 het hy saam met sy ouers en suster Wilhelmina (die ander kinders was reeds volwasse) na Etten verhuis waarheen sy vader beroep is.Hy het daar skoolgegaan.

In 1889 het hy op 22-jarige ouderdom uit Nederland na die Zuid-Afrikaansche Republiek geïmmigreer as deel van ’n klein groep immigrante wat ’n beter toekoms in Afrika gesoek het.Nadat hy aanvanklik naby Germiston op ’n myn gewerk het, het hy by die NZASM aangesluit waar hy as tekenaar gewerk het.

Gedurende die Tweede Vryheidsoorlog het hy aan die kant van die Boere geveg en is in Maart 1900 deur die Britse magte gevangene geneem.As krygsgevangene het hy baie siek geword en is hy oorgeplaas na ’n militêre hospitaal by Brandfort in die Oranje-Vrystaat waar hy op 14 April 1900 gesterf het.Die Transvaalse afdeling van die Rooi Kruis het verklaar dat hy homself per ongeluk geskiet het maar daar word gemeen dat hy soos sy beroemde broer selfmoord gepleeg het.

In 2006 is ’n Afrikaanse toneelstuk in die Gentse Teater, Tinnenpot, onder regie van Daleen Krige ’n toneelstuk opgevoer onder die titel Moe Nie Huil nie, moe nie treur nie.In die rolprent Vincent & Theo word die rol van Cor vertolk deur die akteur Jim de Groot.