Cesar Duvoisin

Cesar Duvoisin (Ainhoa, Lapurdi, 1805 - Baiona, Lapurdi, 1869) frantsesez idatzi zuen apaiz eta historialaria izan zen, Joan Piarres Duvoisin euskal idazlearen anaia. Larresoroko apaizgaitegian ikasi zuen eta Baionako elizbarrutiko historia bat idatzi zuen (Vie de M. Daguerre, fondateur du séminaire de Larresoro, avec l´histoire du diocèse de Bayonne depuis le commencement du derniere siècle jusqu´à la Révolution Française). Baionako katedraleko kalonje izendatua izan ondoren, herri historiari buruzko artikulu asko idatzi zituen, eta 1852. urtean Cambo et ses alentours izeneko liburua argitaratu zuen.