Berhan Şimşek

Bərxan Şimşək (1 noyabr 1957 Bayburt) — Türkiyə kinoaktyoru və siyasətçisi.

Həyatı

Bərxan Şimşək 1957-ci ildə Bayburtda dünyaya gəlib. İbtidai təhsilini Bayburtda, orta təhsilini İstanbul Əbdülhaqhəmid Gecə Orta məktəbində, lisey təhsilini Vəfa Axşam Liseyində alıb. Hazırda Açıqöyrətim fakültəsinin İşlətmə şöbəsində oxuyur.

1970-ci illərdə peşəkar kinoaktyor karyerasına başlayıb, "Xudahafiz sabah", "Uzlaşma", "İpəkçə", "İşıqlar sönməsin" kimi filmlərdə çəkilib. Televiziya və serial rejissoru da olan Bərxan Şimşək Maqazin Qəzetçiləri Dərnəyinin "Ən yaxşı aktyor", 1994-cü il Ankara Kinofestivalının "Ən yaxşı ikinci paln aktyoru" mükafatlarına layiq görülüb.

78-cilər Vəqfı və Çağdaş Kinoaktyorlar Dərnəyinin qurucusu olan Bərxan Şimşək, "Günaydın" qəzetinin köşə yazarı da olub. 1999-cu ildə Cümhuriyyət Xalq Partiyasının (CHP) 10-cu Növbədənkar Qurultayında partiya məclisinə üzv seçilib və 5 dönəm partiya məclisi üzvü olub.

22-cı çağırış Türkiyə Böyük Millət Məclisinə (2002-2007) CHP-dən İstanbul millət vəkili seçilib. Bu dönəmdə Milli Təhsil, Mədəniyyət, Gənclik və İdman Komissiyasının üzvü, Türkiyə-Macarıstan Parlamentlərarası Dostluq Qrupunun sədri olub. 2010-2011-ci illərdə CHP İstanbul İl başqanı olan Bərxan Şimşək subay və bir uşaq atasıdır.

Filmoqrafiya

• Fərari mumiya (2002)
• Müğənni (2001)
• Acı könül (2001)
• Xudahafiz sabah (1998) - Dəniz Gəzmiş
• İşıqlar sönməsin (1996)
• İş (1995)
• Yolçu (1994)
• Tərsinə dünya (1993)
• Uzlaşma (1992) - Məhmət Əli Ağca
• Maddə 438 (1990) - Səbri
• Minyəli Abdulla (1989)
• Quruluş (1986)
• Silah dostları (1986)
• Acımak (1985) - Məhmət
• Acı (1984)
• Sevimli oğlum (1977)
• Cəhənnəm elçiləri (1975)

Mükafatları

• 1994 Ankara Kinofestivalı — "Ən yaxşı ikinci plan aktyoru" mükafatı ("Yolcu" filmindəki roluna görə)
• 1996 Maqazin Qəzetçiləri Dərnəyi mükafatları — "Ən yaxşı aktyor" makafatı ("İşıqlar sönməsin" filmindəki roluna görə)