Arsen Subashiev

Արսեն Վահանի Սուբաշիև (հոկտեմբերի 24, 1943(1943-10-24), Պրոկոպևսկ, Ռուսաստան), խորհրդահայ ֆիզիկոս-տեսաբան: Ֆիզիկա-մաթեմատիկական գիտությունների դոկտոր (1984), պրոֆեսոր (1986):

Վահան Սուբաշիևի որդին:

Արսեն Սուբաշիևը ծնվել է 1943 թվականի հոկտեմբերի 24-ին, Պրոկոպևսկ (ՌԴ Կեմերովայի մարզ) քաղաքում: 1965 թվականին ավարտել է Լենինգրադի պոլիտեխնիկական ինստիտուտը (1965): 1966-1977 թվականներին աշխատել է Լենինգրադի ֆիզտեխնիկական, 1977 թվականից՝ պոլիտեխնիկական (1986 թվականից՝ պրոֆեսոր) ինստիտուտներում:

Աշխատանքները վերաբերում են տեղային և քվազիտեղային տատանումներով բյուրեղների օպտիկական հատկությունների ուսումնասիրմանը: Հետազոտել է մետաղներում և ուժեղ լեգիրված կիսահաղորդիչներում լույսի կոմբինացված ցրման, կիսահաղորդիչներում՝ էլեկտրոնախոռոչային կաթիլների երևույթները: Զբաղվում է քվանտային հորերի և բյուրեղային գերցանցերի գոտիական կառուցվածքի տեսական հետազոտությամբ: Հեղինակ է ուսումնամեթոդական ձեռնարկների:

«Կիսահաղորդիչների ֆիզիկա և տեխնիկա» հանդեսի գիտական խորհրդի անդամ և պատասխանատու քարտուղար (1995):

• Самоорганизация в полупроводниках: Неравновесные фазовые переходы в полупроводниках, обусловленные генерационно-рекомбинационными процессами / Э. Шелль ; Пер. с англ. под ред. Б. М. Ашкинадзе, А. В. Субашиева. Москва, Мир , 1991.
• Пространственная симметрия и оптические свойства твердых тел / Дж. Бирман ; Пер. с англ. И. П. Ипатовой и А. В. Субашиева, Под ред. К. К. Ребане. Москва, Мир , 1978.
• Туннельные явления в твердых телах: Пер. с англ. / Под ред. Э. Бурштейна и С. Лундквиста ; Пер. с англ. И. П. Ипатовой и др.: Под ред. В. И. Переля. Москва: Мир, 1973, 421 с.