Armen Shakaryan
Quick Facts
Biography
Արմեն Աբրահամի Շաքարյան (սեպտեմբերի 1, 1955(1955-09-01), Բաքու, ԱԽՍՀ, ԽՍՀՄ), հայ ակնաբան: Բժշկական գիտությունների դոկտոր (1995), պրոֆեսոր (1999): ՀՀ-ում մանկական ակնաբանության հիմնադիրը: ՀՀ առողջապահության նախարարության գլխավոր մանկական ակնաբան (1985 թվականից):
Կենսագրություն
Արմեն Շաքարյանը ծնվել է 1955 թվականի սեպտեմբերի 1-ին Բաքու քաղաքում, բժիշկների ընտանիքում: Հայրը եղել է բժշկական գիտությունների թեկնածու, դոցենտ, Հայաստանում նեյրովիրաբուժական ծառայությունների ձևավորման առաջատարներից, մայրը կանգնած է եղել մանկական կլինիկական հեմատոլոգիայի ակունքներում: 1972 թվականին ավարտել է Երևանի բժշկական ինստիտուտը: 1977-1988 թվականներին աշխատել է Հանրապետական ակնաբուժական կլինիկական հիվանդանոցում, 1988-1997 թվականներին՝ Երևանի պետական բժշկական համալսարանի երեխաների և դեռահասների տեսողության պահպանման գիտահետազոտական լաբորատորիայի ղեկավար, 1994-1996 թվականներին՝ մանկաբուժական ֆակուլտետի դեկան, 1996-2005 թվականներին՝ պրոռեկտոր, 1997 թվականից միաժամանակ՝ Համալսարանական ակնաբուժական կլինիկայի ղեկավար, 1999 թվականից՝ աչքի հիվանդությունների ամբիոնի պրոֆեսոր: ՀՀ առողջապահության նախարարության գլխավոր մանկական ակնաբան (1985 թվականից), Հանրապետական և Միջազգային ակնաբան, մի շարք ընկերությունների անդամ:
Աշխատանքները վերաբերում են երկաչյա տեսողության, տեսողության վրա բնականոն և ախտաբանաֆիզիոլոգիական գործոնների ազդեցության, կարճատեսության զարգացման ու կանխարգելման խնդիրներին:
Երկեր
- Бинокулярное взаимодействие в норме и при патологии, М., 1995.
Ծանոթագրություններ
- ↑ Ակնաբուժական կլինիկա
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 257: