Quick Facts
Biography
Albert Charlot Gadnaire, naixito de La Rentería o 17 d'agosto de 1892 de país franceses y muerto en Barcelona en l'anyo 1991, fue un poliesportista d'a prencipios d'o sieglo XX que practicó ciclismo, rugby, cursas de muntanya y atletismo, esporte que prencipió a practicar fendo cursas de velocidat, medio fondo, tirada de peso y disco, pero a suya gran contrebución a estió a introducción en Catalunya y a l'Estato espanyol d'a marcha atletica, preba en a que fue una figura destacata.
Tamién fue parte d'os esportistas que facioron o primer partito de rugby con un equipe de chugadors espanyols quan en o mes de mayo de 1911 se fació un partito de exhibición entre os equipes d'o Club Deportivo Espanyol y l'equipe francés Patrie, con franceses que hi viviban en Barcelona que finalment ganaron por 7 a 0. Por l'equipe francés chugaron: Vaillós, Langlois, Lattes, Guiraud, Boix; Conredor, Mizraki; os chirmans René y Albert Charlot, Villeneau, Reinhard, Clement, Artigas, Folleux y Boneau. Os chugadors d'o CD Espanyol: Castillo; Sampere, Larragaña, Dutisconet, Fidalgo; Rubio, Fidalgo; Rubio, Casas, Santiago Massana, De Guibert, Barraquer, Artigas, Pedro Gibert "El Grapas" y Nogareda
Carrera atletica
L'atletismo fue l'esporte a on aconsiguió millors resultaus y tamién el que practico mientres mas anayatas. Prencipió con l'equipe d'a SS Pompeia a on practicaba o tenis y atletismo, pero rapedament cambió ta o CD Espanyol fendo tota mena de prebas a on amostró a suya versatilidat. Tenió os récords de Catalunya de 100, 400, 1.500 i 5.000 metros lisos, tamién practicó tirada de peso y disco, pero a suya gran contrebución a l'atletismo estió a introducción en Catalunya y a l'Estato espanyol d'a marcha atletica. Fue un destacato marchador que fue campión d'Espanya de 50 km marcha en a suya primera edición en 1922 y tercero en a quarta en 1931 nueve anyatas dimpués. Tenió os records d'Espanya de 5.000 metros marcha en pista, 50 km marcha en ruta y 100 km marcha en ruta.
O 15 d'Octubre de 1922 en Barcelona se face o primer Campionato d'Espanya de Marcha Atletica en a distancia de 50 kilometros. O cercuito yera un recorrito muit amplio por localidatz mugans con Barcelona, a sortida d'a cursa fue en o Parque d'a Ciudadela de Barcelona, dimpués aniba por Badalona dica Arenys de Mar dimpués torna por Alella y Granollers dica a meta en o Parque d'a Ciudadela. Albert Charlot aconsiguió o primer puesto con una marca de 5h14'15" y récord d'Espanya mientres once anyatas dica que Gerau García aconsiguió bajar d'as 5 horas en 1933. O suyos equipes fuoron a SS Pompeya y o Club Deportivo Espanyol.
Honors
- Dende 1940 dica o 1961 a Unió Esportiva Gracienca organizó o Trofeu Albert Charlot o suyo honor.
- En 1987 a Dirección Cheneral de L'Esport d'a Cheneralidat de Catalunya li concedió a Medalla Forjadors de la Història Esportiva de Catalunya.
Referencias
Vinclos externos
- (es) "ALBERTO CHARLOT - PIONERO DEL ATLETISMO DEL RCD ESPANYOL".
- (ca) Dentrata en a Enciclopedia Catalana.
| Predecesor: Establimento d'a preba | Récord d'Espanya de 5.000 metros marcha 18 de noviembre de 1917 - 1 de setiembre de 1918 | Succesor: Enrique Badía |
| Predecesor: Establimento d'a preba | Récord d'Espanya de 50 km marcha 17 d'octubre de 1922 - 10 d'abril de 1932 | Succesor: Gerau García |