Zekeria Rexha

Zekeria Rexha ka lindur në vitin 1910 në Gjakovë. Në moshën 12 vjeçare është arratisur për në Shqipëri me kërkesën e babait të tij , ish-luftëtarit të trimit Bajram Curri. Në qershor të vitit 1925 ka kryer shkollën fillore në Tiranë . Pastaj ka kryer liceun frëng në Korçë.

Në shtator 1932 ishte emëruar sekretar i Ministrisë së Arsimit në Tiranë ku kishte shërbyer katër vite. Ai ishte dërguar për të vazhduar studimet e larta filozofike në Francë. Kur fashistët italianë e okupuan Shqipërinë , atij iu pre bursa dhe për rrjedhim , mbeti pa e përfunduar provimin e fundit të filozofisë, të cilin e përfundoi pas çlirimit për të diplomuar në Universitetin e Beogradit më 1948 në degën e shkencave të filozofisë. Përveç studimeve të lartpërmendura, Zekeria Rexha kishte kryer edhe studimet e larta 4 vjeçare në degën e romanistikës ( frëngjisht, latinisht dhe italisht) në Beograd (1954-1958) . Përveç gjuhës amtare, ai kishte studiuar edhe këto gjuhë: Greqishten e vjetër, Latinishten, Frëngjisht, Italisht, Gjermanisht dhe Serbo-Kroatisht . Ai poashtu kuptonte edhe gjuhët sllave dhe ato neo-latine.

Më 1939, deri në shtator të 1940-tës, kishte shërbyer si profesor në Gjimnazin shtetëror të Tiranës , ku ka dhënë mësim në filozofi ,latinisht dhe shqip.''

Vdiq në Tiranë më 26 shkurt 1972.

Zekeria Rexha është marrë me punë kulturoro-shkencore për 30 vite rresht. Qysh gjatë Luftës Nacional-Çlirimtare ka qenë i caktuar si përgjegjës i arsimit për Kosovë dhe Rrafsh të Dukagjinit. Më pas ka qenë ministër i arsimit dhe nën-kryeministër për vendet ( atëherë krahinat )në fjalë. Pasi që kishte mospajtime me titistët , ai u detyrua që të jepte dorëheqje dhe e larguan nga udhëheqësia politike.

Më pas ka punuar edhe si inspektor i përgjithshëm i arsimit dhe kryetar i Komisionit Pedagogjik për Kosovë dhe Rrafsh të Dukagjinit. Poashtu ai ka redaktuar shumë libra shqip dhe revista e gazeta shqip si :"Jeta e re", "Përparimi" , "Rilindja", "Telegrafi", "Illyria"dhe "Kosova".

Me miratimin e vendimit Nr.4143/1 të datës 29.04.1954 nga Kuvendi i Komunës së Gjakovës , themelohet shkolla tetë klasëshe "Vojo Llakçeviq", e cila më vonë emërohet SH.F.M.U "Zekeria Rexha ". Tani kjo shkollë numëron në radhët e veta afërsisht 1740 nxënës dhe kjo shkollë është shumë e suksesshme.

Zekeria Rexha kishte përkthyer shumë artikuj nga autorë serbo-kroatë me përmbajtje shoqërore dhe estetiko-letrare në revistën 'Jeta e re'. Të gjithë artikujt e kësaj reviste janë shkruar nga ai.Kishte përkthyer vepra të ndryshme si; 'Mixha Gorio', 'Zonja Bovari', 'Shpend Dukagjini' etj.