Zdeněk Boháč

Zdeněk Boháč (* 3. januara 1933 w Praze; † 25. měrca 2001 w Klínecu) bě čěski stawiznar a přećel Serbow. Studowaše stawizny na filozofiskej fakulće Karloweje uniwersity w Praze. Po tym dźěłaše jako wučer na gymnaziju a zaběraše so wobšěrnje z čěskimi stawiznami. Po lěće 1989 bu nawjednik instituta za historisku geografiju na Praskej akademiji wědomosćow a k tomu předsyda towarstwa "Společnost přátel Lužice".