Quick Facts
VirgoBiography
Զաուր Կուչովիչ Աջբա (ռուս.՝ Заур Кучович Аджба, սեպտեմբերի 19, 1956(1956-09-19), Գուդաութա, Աբխազական Ինքնավար Խորհրդային Սոցիալիստական Հանրապետություն, Վրացական Խորհրդային Սոցիալիստական Հանրապետություն, ԽՍՀՄ - սեպտեմբերի 27, 1993(1993-09-27)), աբխազ նկարիչ, Աբխազիայի նկարիչների միության անդամ (1979)։
Կենսագրություն
Ծնվել է 1956 թվականի սեպտեմբերի 19-ին, Աբխազիայի ԽՍՀ-ի Գուդաութա քաղաքում։ 1973-1976 թվականներին սովորել է Սուխումիի Ա․ Կ․ Չաչբայի անվան գեղարվեստի ուսումնարանում։ 1979 թվականին դարձել է Աբխազիայի նկարիչների միության երիտասարդական միավորման անդամ, իսկ 1987 թվականին դարձել է ԽՍՀՄ նկարիչների միության և Աբխազիայի նկարիչների միության անդամ։ Մահացել է 1993 թվականին, վրաց-աբխազական պատերազմի ժամանակ։
Ստեղծագործություն
1973 թվականին առաջին անգամ կայացել է նկարչի անհատական ցուցահանդեսը Գուդուաթա քաղաքում։ 1985 թվականին մասնակցել է «ԳԴՀ-ում Աբխազիայի մշակույթի օրերին» նվիրված ցուցահանդեսին։ 1990 թվականին ստեղծագործական ուղևորություն է կատարել դեպի Ավստրիա, որտեղ մասնակցել է Վան Գոգի մահվան 100-ամյակին նվիրված ցուցահանդեսին: 2013 թվականի սեպտեմբերի 27-ին Աբխազիայի Հանրապետության նկարիչների միության կենտրոնական ցուցասրահում տեղի է ունեցել նկարչի անհատական ցուցահանդեսը։ Աշխատանքները գտնվում են Աբխազիայի Հանրապետության Պետական ազգային պատկերասրահում, Ավստրիայում, Գերմանիայում, Հոլանդիայում, Իսրայելում, Ֆրանսիայում, Իտալիայում և ԱՄՆ-ում պահվող մասնավոր հավաքածուներում:
Ծանոթագրություններ
- ↑ Персональная выставка Заура Аджба(չաշխատող հղում)
Արտաքին հղումներ
- Аджба Заур Кучович (1956—1993) — живописец կենսագրությունը Աբխազիայի Հանրապետության մշակույթի նախարարության կայքում
- Абхазский Ван Гог.