Yuri Khojamiryan

Յուրի Երվանդի Խոջամիրյան (սեպտեմբերի 9, 1926(1926-09-09), Լենինական, Հայկական ԽՍՀ, ԱԽՖՍՀ, ԽՍՀՄ - 2003), էներգետիկայի և ավտոմատիկայի բնագավառի հայ գիտնական: Տեխնիկական գիտությունների թեկնածու (1966), պրոֆեսոր (1980): ՀՃԱ (1992), ՄՃԱ (1993) անդամ: ՀԽՍՀ (1970) և ՌԴ (1993) վաստակավոր ճարտարագետ: ՀԽՍՀ ԳԽ պատգամավոր (1983-1990):

Յուրի Խոջամիրյանը ծնվել է 1926 թվականի սեպտեմբերի 9-ին, Գյումրի քաղաքում: 1949 թվականին ավարտել է Երևանի պոլիտեխնիկական ինստիտուտը: 1968-1981 թվականներին եղել է ՀԽՍՀ պետպլանի նախագահի տեղակալ, 1981-1983 թվականներին՝ ՀԿԿ կենտկոնի էկոնոմիկայի բաժնի վարիչ, 1983-1990 թվականներին՝ ՀԽՍՀ Նախարարների խորհրդի նախագահի տեղակալ, Միջազգային ճարտարագիտական ակադեմիայի փոխնախագահ (1990) Հայաստանի ճարտարագիտական ակադեմիայի նախագահ (1992):

Աշխատանքները վերաբերում են ինքնաշխատ կառավարման համակարգերի տեսությանը:

• ՀԽՍՀ վաստակավոր ճարտարագետ (1970):
• ՌԴ վաստակավոր ճարտարագետ (1993):

• Հայաստանի ճարտարագիտական ակադեմիայի անդամ (1992):
• Միջազգային ճարտարագիտական ակադեմիայի անդամ (1993):

• Հետևող համակարգեր: Ուսումնական ձեռնարկ պոլիտեխիկական ինստիտուտի ուսանողների համար, Երևան, «Լույս», 1981 (համահեղինակ):
• ՍՄԿԿ XXVI համագումարը և Սովետական Հայաստանի էկոնոմիկայի զարգացումը: «Գիտելիք» ընկերություն ՀԽՍՀ, Երևան, Ա. հ, 1983 (համահեղինակ):
• Теория автоматического управления, Ереван, 1991.