Quick Facts
LeoBiography
Моҳпайкар Ёрова (28 июли 1970, Душанбе, ҶШС Тоҷикистон) — ҳунарпешаи театр ва синамои тоҷик.
Зиндагинома
Моҳпайкар Ёрова 28 июли соли 1970 дар шаҳри Душанбе ба дунё омадааст. Факултети драмаи Донишкадаи театрии Маскав ба номи М. С. Шепкинро слои 1991 хатм кардааст.
Хонавода
Моҳпайкар Ёрова соли 1993 бо як нафар мард аз Туркманистон издивоҷ мекунад ва чанд муддат дар Ишқобад ба сар мебарад, аз ин издивоҷ соҳиби ду писар — Сиёвуш ва Бобо мешаванд, аммо оқибат аз ҳам ҷудо мешаванд.
Фаъолияти ҳунарӣ
Театр
Аз соли 1991 ҳамчун ҳунарпеша дар Театри давлатии ҷавонон ба номи М. Воҳидов ҳунарнамоӣ мекунад. Қариб дар ҳамаи спектаклҳои давоми беш аз ду даҳсола дар театри номрафта рӯи саҳна гузошта нақши хурду калон бозида, бо оромӣ ва камоли кушодарӯӣ фасли тоза дар офариниши образҳо кушод.
Синамо
Дар филмҳои бадеии тоҷикии «Убури сангин», «Марги бегуноҳ», «Соҳил», «Баъд аз ғуруб», «Меҳроб», «Оинаи беҷило», «Журналист», «Баҳори як кӯча», «Ормонҳо», «Хокпайванд», «Орзуи рассом», «Арӯси замонавӣ», ду филми истеҳсоли синамогарони Русия — «Хазинаи тило», «Интиқоми туркӣ» ва ғайра нақш офаридааст.
Ҷоизаҳо
Бо медали «Хидмати шоиста» сарфароз гардидааст.
Эзоҳ
Адабиёт
- Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.