Xhevat Limani

Xhevat Limani (1953) aktor dhe regjisor shqiptar nga Maqedonia.

Xhevat Limani, u lind më 1 janar 1953 në Fierishtë të Strugës (Maqedoni). Diplomoi në Akademinë e Arteve të Bukura në Prishtinë. Ka luajtur në një varg rolesh në teatër dhe në disa filma artistikë. Është skenarist dhe regjisor i filmit të parë shqiptarë në Maqedoni, me titull "Fatprerët". Është pedagog i lëndës së aktrimit në Fakultetin e Artit Dramatik të Universitetit të Tetovës. Ka fituar një varg çmimesh dhe mirënjohjesh kombëtare dhe ndërkombëtare. Prej vitit 2002 punon në Shtetet e Bashkuara të Amerikës ku ka realizuar disa shfaqje.

• "Nuk ishin vetëm" (film dokumentar për shqiptarët e Amerikës në luftën e UÇK-së).
• "Pranverë dimërore" - poezi;
• "Albaniada" - dramë;
• "Artisti pa Atdhe» (roman);
• "Dodona" - dramë;
• "Ora shqiptare";
• "Demoniada";
• "Antimemorandum";
• "Anatema";
• "Hijet";
• "Gjergj Kastrioti - Skenderbeu";
• "Muri i lotëve";
• "Unë Adem Jashari".

• Xhevat Limani (Faqja zyrtare) Vizituar më 28.05.2016.

1. ^ Fjalor Enciklopedik Shqiptar, (vëllimi II), Akademia e Shkencave e Shqipërisë, Tiranë, 2008, fq. 1523, ISBN 978-99956-10-28-9