Wilhelm von Carstenn

Johann Anton Wilhelm von Carstenn-Lichterfelde (lair 12 Dhésèmber 1822 ing Neverstaven, Holstein lan tilar donya 20 Dhésèmber 1896 ing Schöneberg) iku sawijining sodagar, pangusaha lan désainer kutha sing asalé saka Jerman.

Ing taun 1854 Carstenn olèh bagéyan priyayi saka Tanah Karaton ing Wandsbek cedhak Hamburg. Banjur tlatah iki diowahi dadi sawijining perumahan vila ing Marienthal. Banjur ing taun 1855 dhèwèké olèh tanah priyayi Tralau sing wis dipisah saka peternakan Neverstaven, tanah kalairané didol sataun sawisé iku.

Ing taun 1865, Carstenn tuku tanah amba ing cedhak kutha Berlin saka bathi olèhé ngedol tanahé ing Wandsbek. Tanah ing Berlin sing dituku iku Lichterfelde, Giesensdorf, Wilmersdorf lan Friedenau kanggo nggawé komplèks vila sing amba. Kanggo rong komplèks vila pungkasan iki, dhèwèké ngrancang lan nrapaké apa sing diarani Carstenn-Figur, ya iku sawijining tata cara pangaturan dalan lan lapangan sajroning kutha.

Ing taun 1871, dhèwèké ngibahaké tanah marang kaum militèr Prusia sing saambané 20 hèktar saka komplèks perumahan vilané kanggo mbangun tangsi lan barak amarga déné kurange panggonan kudu metu saka kutha Berlin.

Mawa ngéné Carstenn ngarepaké supaya perumahan vila ing sakidul-kuloné Berlin dadi saya nyengsemaké. Utamané tlatah Lichterfelde kulon bisa kembang dadi perumahan favorit para priyayi upsir militèr Prusia.

Déné kawajiban finansial marang nagara Prusia lan pembanguna saha hibahé marang Prusia (tangsi militèr), Carstenn dadi mlarat senadyan perumahan vilané iku suksès. Carstenn panggah kagungan sesebutan priyayiné 'von Carsten-Lichterfelde' sing diparingi Kaisar Wilhem I lan uga pènsiun nganti tilar donyané. Dadi Carstenn nduwèni pangasilan tetep nganti tilaré. Ing taun 1896, Carstenn tilar donya ing sawijning griya sakit jiwa ing sawijining tlatah sing saiki diarani Berlin-Schöneberg.

Senadyan perumahané ing Friedenau lan Wilmersdorf wis ora dilestarèkaké manèh lan saiki akèh diadegi omah-omah séwan, perumahané ing Lichterfelde-West isih lestari nganti sepréné lan bisa dituwèni. Manten vilané ing Taman Kastil Lichterfelde (alamat: Hindenburgdamm 28) saiki diarani Kastil Carstenn lan dienggo kanggo kaperlon lan acara kabudayan.

• Ing taun 1873 Carstenn pinaringan sesebutan lan dadi priyayi
• Saka taun 1872 nganti 1874 dalan Charlottenburger Straße ing „Gründerviertel“ saka Berlin-Weißensee nganggo jenengé.
• Carstenn disarèkaké ing sawijining pasaréané Gréja Injili Paulus ing Lichterfelde (dalan Hindenburgdamm 101) cedhak manten vilané.
• Ing Lichterfelde ana dalan sing diarani Carstennstraße (1899) lan uga ana Grundschule Carstenn (sekolah Carsten) (papané ing Bezirk Steglitz, nganti tekan dasawarsa 1980-an). Saliyané iku, dhèwèké uga olèh sawijining prasasti ing manten vilané.

• Rolf Lieberknecht, Karl-Heinz Metzger u. a.: Von der Wilhelmsaue zur Carstenn-Figur. 120 Jahre Stadtentwicklung in Wilmersdorf. Bezirksamt Wilmersdorf von Berlin, Berlin 1987
• Hermann Ebling, Evelyn Weissberg: Friedenau erzählt: Geschichten aus einem Berliner Vorort – 1871 bis 1914, edition Friedenauer Brücke, Berlin 2007. ISBN 978-3-9811242-1-7

• Saka artikel ing Wikipédia abasa Jerman (versi tanggal 29 Januari 2010)

• (de) Kastil Carstenn ing bauwarna ing situs wèb berlin.de
• (de) Carstennstraße (Dalan Carstenn)
• (de) Figur Carstenn ing Charlottenburg-Wilmersdorf ing situs wèb berlin.de
• (de) Citra satelit figur Carstenn Wilmersdorf