Vrej Gabrielyan

Վրեժ Վրույրի Գաբրիելյան (10 հունվարի 1952 թ., Երևան), ՀՀ պետական և ռազմական գործիչ, Հայաստանի Հանրապետության փրկարարական ծառայության տնօրենի տեղակալ, գեներալ-մայոր։

• 1968-1973 թթ. սովորել և գերազանցությամբ ավարտել է Երևանի Խ. Աբովյանի անվան մանկավարժական ինստիտուտի պատմաաշխարհագրական ֆակուլտետը։
• 1985-1990 թթ. ավարտել է ԽՍՀՄ ՆԳՆ Վոլգոգրադի բարձրագույն քննչական դպրոցը։

• 1973 թ. և 1975-1976 թթ. աշխատել է ՀԼԿԵՄ Երևանի Սպանդարյանի շրջկոմում, որպես դպրոցական բաժնի հրահանգիչ։
• 1974-1975 թթ. ծառայել է ԽՍՀՄ զինված ուժերում։
• 1976 թ. ընտրվել է ՀԼԿԵՄ Երևանի Սպանդարյանի շրջկոմի քարտուղար։
• 1977 թ. ընտրվել է ՀԼԿԵՄ Երևանի Սպանդարյանի շրջկոմի երկրորդ քարտուղար։
• 1978 թ. նշանակվել է ՀԼԿԵՄ Երևանի քաղկոմի կոմերիտական կազմակերպությունների բաժնի վարիչ։

• 1983 թ. ծառայության է գործուղվել ՀԽՍՀ ներքին գործերի համակարգ և նշանակվել Երևան քաղաքի Շահումյանի շրջանի ներքին գործերի բաժնի պետի տեղակալ քաղդաստիարակչական աշխատանքների գծով։
• 1984-1988 թթ. - ՀԽՍՀ տրանսպորտային ներքին գործերի բաժնի քաղաքական մասի պետ։
• 1988 թ. - ՀԽՍՀ տրանսպորտային ներքին գործերի բաժնի պետի տեղակալ-քաղաքական մասի պետ։
• 1988 թ. դեկտեմբեր - 1989 թ. մարտ - ՀԽՍՀ տրանսպորտային ՆԳ վարչության պետի տեղակալ-քաղաքական բաժնի պետ։
• 1989-1990 թթ. - ՀԽՍՀ ՆԳՆ քաղբաժնի պետի տեղակալ։
• 1990-1992 թթ. - ՀԽՍՀ ՆԳՆ անձնակազմի և կադրերի վարչության պետի տեղակալ-անձնակազմի բաժնի պետ։
• 1992-1994 թթ. - ՀՀ ՆԳՆ տնտեսական վարչության պետ։ Ներքին գործերի նախարարության ստորաբաժանումների կազմում մասնակցել է Հայաստանի Հանրապետության սահմանների պաշտպանության գործողություններին։
• 1994-1996 թթ. - ՀՀ ՆԳՆ ռազմամոբիլիզացիոն և քաղաքացիական պաշտպանության բաժնի պետ։

• 1996-1997 թթ. - գործուղվել է ՀՀ ԱԻՎ և նշանակվել է քաղաքացիական պաշտպանության և արտակարգ իրավիճակների տեսչության պետ։
• 1997-1999 թթ. - Երևան քաղաքի ՔՊ և ԱԻ շտաբի պետ։
• 1999-2001 թթ. - Երևան քաղաքի ԱԻ և ՔՊ վարչության պետ։
• 2001 թ. ապրիլի 27-ին ՀՀ Վարչապետի N 334 որոշմամբ նշանակվել է ՀՀ ԿԱ ԱԻ Վարչության պետի տեղակալ։
• 2001 թ. մայիսի 10-ին ՀՀ կառավարությանն առընթեր արտակարգ իրավիճակների վարչության պետի N 181 հրամանով նշանակվել է նաև Երևան քաղաքի ԱԻ և ՔՊ վարչության պետ։
• 2006 թ. մարտի 10-ին ՀՀ վարչապետի որոշմամբ ազատվել է Հայաստանի Հանրապետության կառավարությանն առընթեր արտակարգ իրավիճակների վարչության պետի տեղակալի պաշտոնից:
• 2006 թ. մարտից նշանակվել է ՀՀ տարածքային կառավարման նախարարության Հայաստանի փրկարար ծառայության տնօրենի տեղակալ։

• Հայաստանի Հանրապետությանը մատուցած ծառայությունների, ինչպես նաև երկարամյա, օրինակելի և անբասիր աշխատանքի համար ՀՀ Վարչապետի հուշամեդալ,
• ՀՀ Նախագահի կողմից «Հայրենիքին մատուցած ծառայությունների համար» 2-րդ աստիճանի մեդալով,
• ՀՀ Նախագահի կողմից շնորհակալագրով,
• Հավաքական անվտանգության պայմանագրի կազմակերպության կազմավորման 20-ամյակին նվիրված «Հոբելյանական» մեդալ,
• ՀՀ ԱԻՆ «Վաստակավոր աշխատակից» մեդալ։
• ՀՀ ԱԻՆ «Անբասիր ծառայության համար» մեդալներ,
• «ԽՍՀՄ զինված ուժերի 70-ամյակի» մեդալ,
• ՀՀ ՊՆ «Մարշալ Բաղրամյան» մեդալ,
• ՀՀ ՊՆ «Գարեգին Նժդեհ» մեդալ,
• ՀՀ Ոստիկանության «Համագործակցության ամրապնդման համար» մեդալ,
• ՀՀ Ոստիկանության «Իրավակարգի ամրապնդման համար» մեդալ,
• ԽՍՀՄ ՆԳՆ Ներքին զորքերի գերազանց ծառայության I և II աստիճանների կրծքանշաններ,
• ԽՍՀՄ ՆԳՆ գերազանց ծառայության կրծքանշան
• ՀՀ Վարչապետի շնորհակակալագիր,
• ՀՀ Վարչապետի հուշամեդալ և պատվոգիր,
• «Երևան քաղաքի պատվավոր փրկարար» հուշամեդալով,
• Հայաստանի Ֆրիտյոֆ Նանսենի հիմնադրամի «Ֆրիտյոֆ Նանսենի» ոսկյա հուշամեդալով։
• Անվանական զենք,
• Քաղաքացիական պաշտպանության միջազգային կազմակերպության կողմից նրան շնորհվել է Քաղաքացիական պաշտպանության ասպետի կոչում։
• Ծառայության ընթացքում արժանացել է ԽՍՀՄ ՆԳՆ, ՀԽՍՀ ՆԳՆ, ՀՀ արտակարգ իրավիճակների նախարարության պատվոգրերի և շնորհակալագրերի։

ՀՀ ոստիկանության,,Մարտական զորակցության համար,, մեդալ

• 2007 թ. սեպտեմբերի 18 -ին ՀՀ Նախագահի թիվ 223Ա հրամանագրով շնորհվել է փրկարարական ծառայության գեներալ-մայորի կոչում։
• Բնության և հասարակության մասին միջազգային ակադեմիայի իսկական անդամ – ակադեմիկոս (2007 թ.)։
• Սանկտ-Պետերբուրգի էկոլոգիայի և կենսաանվտանգության գիտությունների միջազգային ակադեմիայի թղթակից անդամ (2004 թ.)։
• Տպագրել է գիտական հոդվածներ և մեկ մենագրություն՝ նվիրված արտակարգ իրավիճակներում բնակչության պաշտպանության հիմնահարցերին։

Ամուսնացած է։ Ունի երկու որդի և չորս թոռնիկ։

http://mes.am/hy/rs-management/

http://www.irtek.am/views/act.aspx?aid=56342

http://www.irtek.am/views/act.aspx?aid=40756