Vladimir Rybov
Quick Facts
Biography
Владимир Павлович Рябов (1900 чадыковонь 1 чи, Ламбаське веле — 1938 панжиковонь 23 чи Саранскойсэ) — эрзянь тонавтыця, ламо келень содыця, омбо масторонь кельс ютавтыця.
Эрямо пингезэ (Биографиязо)
Рябовонь Владимир чачсь чадыковонь 1-це чисте 1900 иесте Ламбаське велесэ, Ицялонь буесэ эрзянь сокиця-видиця семияс. Сонзе лелязо ульнесь Анатолий Рябовонь. 1927 иесте прядызеть рабфаконть Покровскоень институтонть вакссо Московссо. Седе тов 1932 иесте прядызеть Московонь веленьхозяйствань академия Тимирязевень лемсе, теде мейле тонавтсь Мордовской аграрной nонавтинститутсо. 1933 саезь 1937 видс важодсь прявтредакторокс веленьхозяйствань литературань Мордовской кирьяпусмонь издательствасо. Сон поладыця таблицанть — руз. «Правила смешивания минеральных удобрений для внесения под различные культуры и почвы».
Ютавтыль рузонь кельсте эрзякс сёрмадовтомат А.С. Пушкинень («Ёвкс калонь кундыцядо ды калнэде» (руз. «О рыбаке и рыбке» 1937), М.Ю. Лермонтовонь, Н.А. Некрасовонь («Якшаматя», (руз. «Дед Мороз» 1935). Владимир Рябов васеньце, кие снартнесь ютавтомонзо эрзякс малавикс суоми-угрань раськетьнень - карелэнь ды суоминь «Калевала» морокерьксэнть. Сон анокстызеть ды поладызеть Гамбургсо 1978 иесте эрзянь-немецень валксонть.
1937 иесте ульнесь чумондазь ды ёртозь тюрьмас. 1938 панжиковсто ульнесь ледезь Саранскойсэ. Реабилитировазь ансяк 1956 иесте.