Quick Facts
Biography
Бальмонт Владимир Александрович (16.2.1901, Ресей, Иваново облысы Шуя қаласы — 7.5. 1971, Алматы) — ғалым, ауыл шаруашылығы ғылым докторы (1946), профессор (1948), Бүкілодақтық ауыл шаруашылығы ғылым академиясының академигі (1956), Қазақстан ғылым академиясының корреспондент мүшесі (1954), Қазақстанның еңбек сіңірген ғылым қайраткері (1956). Омбыдағы Сібір ауыл шаруашылығы және орман шаруашылығы институтын (1926) және Аскания-Новадағы қой бонитерлерінің жоғары курсын (1929) бітірген. Ол 1929—36 жылы Алматы мемлекеттік зоотехникалық-мал дәрігерлік институтында оқытушы, кафедра меңгерушісі (1952 — 1957), 1936 — 1952 жылы Бүкілодақтық ауыл шаруашылығы ғылым академиясының Қазақ филиалының, 1957—1961 жылдары Қазақстан ауыл шаруашылығы ғылым академиясының вице-президенті, 1961—1971 жылдары Қазақ мал өсіру ғылыми-зерттеу институтында лаборатория меңгерушісі болды. Негізгі ғылыми еңбектері қой өсіру және оның селекциясына арналған. Бальмонт тұқымаралық будандастыру әдісін жетілдіріп, қой шаруашылығына енгізді. Басқа ғалымдармен бірлесіп, қазақтың биязы жүнді қойын (КСРО Мемлекеттік сыйлығы, 1951), Қарғалы құйрықты қойын, қара ала ақсай шошқасын шығарды; республикада кроссбред қой шаруашылығын қалыптастырушы және ұйымдастырушы болды. Ол 2 рет Ленин ордені, 2 рет Еңбек Қызыл Ту орденімен марапатталған.
Шығармалары
- Казахские тонкорунные овцы, А.-А., 1948;
- Кроссбредное овцеводство, А.-А., 1965.