Viktor Fedorovich Avdeev

Վիկտոր Ավդեև, (ռուս.՝ Виктор Фёдорович Авде́ев, սեպտեմբերի 11 (24), 1909, Ուրյուպինսկ, Դոնի զորքի մարզ, Ռուսական կայսրություն - 1983), խորհրդային և ռուս գրող: Ստալինյան մրցանակի երրորդ աստիճանի դափնեկիր:

Վ. Ավդեևը ծնվել է 1909 թվականի նոյեմբերի 11-ին (24) Ուրյուպինսկ ավանում (այժմ` Վոլգոգրադի մարզի Ուրյուպինսկ քաղաք), կազակի ընտանիքում: Որբանալուց հետո տղային իր ավագ եղբոր հետ ուղարկել են Նովոչերկասկի Պ. Ալեքսեևի անվան ինտերնատ: Ապագա գրողը երկար ժամանակ անօթևան էր և թափառում էր ամբողջ երկրով մեկ: 1925 թվականին նրան մանկատնից վերցրել է Ուկրաինայի Կարմիր խաչի և Երեխաների ընկերների կազմակերպությունն ու ուղարկում յոթնամյա կրթության: Տարվելով գրական ստեղծագործությամբ` Վ. Ավդեևը մեկնել է Մոսկվա, իր վաղ ստեղծագործությունները հրատարակել է Մաքսիմ Գորկու նախաձեռնությամբ ստեղծված «Երեկ և այսօր» ալմանախում: Նրա կողմից գրողը հանձնարարական նամակ է ստացել աշխատավորական ֆակուլտետի համար: 1938 թվականին ավարտել է Մաքսիմ Գորկու անվան գրականության ինստիտուտը: Եղել է ԽՍՀՄ գրողների մության անդամ:

Իր պատմվածքներում և վիպակներում հեղինակը պատմում է անօթևանների, Քաղաքացիական պատերազմի իրադարձությունների, ժամանակակից գյուղի կյանքի մասին, բարձրացնում է սոցիալիստական հասարակարգում մարդու անձնային կայացման թեման:

Պատմվածքներ

• Թևավոր կապավորը (1937-1954)
• Մեր բակում (1940)
• Գյուղացիները (1946—1952)
• Նախիրը ճանապարհին (1947)
• Լյոնկա Օխնար (1957)
• Գուբանի վերջը (1957)
• Հաց (1957)
• Իմ Ոդիսականը (1960)
• Քայլ առաջ (1976)
• Վազքով դեպի Պառնաս (1971)

«Երեկ և այսօր» (Մոսկվա, «Երիտասարդ գվարդիա», 1970, Մոսկվա, «Խորհրդային Ռուսաստան», 1976) ժողովածուի կազմողղներից ու նախաբանի հեղինակներից մեկն է:Այս հավաքածուն կոչված էր դառնալու Մաքսիմ Գորկու նախաձեռնությամբ ստեղծված «Երեկ և այսօր» ալմանախի շարունակությունը:

• Անմահ երգ

• «Նախիրը ճանապարհին է» պատմվածքի համար արժանացել է Ստալինյան մրցանակի երրորրդ աստիճանի:

• Справочник Союза писателей СССР [по состоянию на 01.12.1963] / ред. К. В. Воронков, сост. Н. В. Боровская. — М.: Советский писатель, 1964. — 776 с. — 3000 экз.