Victor Targulyan

Վիկտոր Հովհաննեսի Թարգուլյան (օգոստոսի 10, 1934(1934-08-10), Մոսկվա, ԽՍՀՄ), հայ աշխարհագետ, հողագետ: Աշխարհագրական գիտությունների դոկտոր (1968), պրոֆեսոր (1988): Հողագետների միջազգային ընկերության 5-րդ հանձնաժողովի փոխնախագահ (1990): Հողագետների Դոկուչաևյան ընկերության փոխնախագահ (1992): Հողագետների միջազգային ընկերության 5-րդ հանձնաժողովի նախագահ (1994):

Վիկտոր Թարգուլյանը ծնվել է 1934 թվականի օգոստոսի 10-ին, Մոսկվա քաղաքում: 1957 թվականին ավարտել է Մոսկվայի Տիմիրյազևի անվան գյուղատնտեսական ակադեմիան: 1963 թվականին ավարտել է Մոսկվայի պետական համալսարանը: 1972 թվականից եղել է ԽՍՀՄ ԳԱ Աշխարհագրության ինստիտուտի առաջատար գիտաշխատող: Դասախոսում է Մոսկվայի պետական համալսարանում:

Աշխատանքները վերաբերում են հողերի աշխարհագրության, հողառաջացման, հողմահարման, հողերի երկրաքիմիայի հարցերին: Համահեղինակ է ատլասների, «Հողերի գլոբալ փոփոխություններ» (1990, անգլերեն) գրքի:

• Հողերի գլոբալ փոփոխություններ, անգլերեն, 1990:
• Почвообразование и выветривание в холодных гумидных областях, Москва, 1971 (համահեղինակ).
• Ветровал и таежное почвообразование. Москва, 1995 (համահեղինակ).
• Организация, состав и генезис дерново-палево-подзолистой почвы на покровных суглинках, Москва, 1974.
• Возраст и эволюция черноземов, Москва, 1988.