Quick Facts
SagittariusBiography
Veit Erlmann ya iku ahli antropologi lan ètnomusikolog saka Essen, Jerman, kalairan taun 1951. Riwayat pandhidhikané Veit nalika ing pawiyatan luhur ya iku ana ing Free University ing Berlin (gelar MA taun 1974), University of Cologne (gelar Ph.D. taun 1978 lan Dr.habil taun 1990). Sabanjuré, nampa gelar Dr.habil. saka ing Free University ing Berlin taun 1994. Veit wis nglakoni panlitian antropologis ing werna-werna panggonan, ya iku antarané Kamerun (1975, 1995), Niger (1979), Lesotho (1982), Afrika Kidul (1981-1986), Ghana (1988), lan Ekuador (1989). Karya-karya akademis kang tinulis déning Veit ya iku African Stars: Studies in Black African Performance (1991), Nightsong: Performance, Power, and Practice in South Africa (1995), ‘The aesthetics of the global imagination: reflections on world music in the1990s’ kang ana ing jurnal Public Culture (1996), lan Music, Modernity, and the Global Imagination: South Africa and the West (1999). Ing akhir taun 1990, dhèwèké naté ana panlitian ing Indonesia, khususé Jawa lan Sumatra bab sujarah musik. Dhèwèké uga naté nampa pangaji Alan P. Merriam minangka pamenang ing bab ètnomusikologi.
Rujukan
- ↑ Amit, Vered (2004). Biographical Dictionary of Social and Cultural Anthropology. London: Routledge. kc. 200. ISBN 020364459X. OCLC 436848672.
- ↑ "Veit Erlmann | Butler School of Music - The University of Texas at Austin". music.utexas.edu (ing basa Inggris). Diarsip saka sing asli ing 2020-10-21. Dibukak ing 2018-01-05.
- ↑ "Home | Veit Erlmann". www.veiterlmann.net (ing basa Inggris). Dibukak ing 2018-01-05.
- ↑ "Curriculum vitae | Veit Erlmann". www.veiterlmann.net (ing basa Inggris). Dibukak ing 2018-01-05.