Vardan Ayvazyan

Վարդան Նորիկի Այվազյան (հունիսի 30, 1973(1973-06-30)), հայ իրավաբան-սահմանադրագետ, իրավաբանական գիտությունների թեկնածու, դոցենտ: ԵՊՀ իրավագիտության ֆակուլտետի սահմանադրական իրավունքի ամբիոնի վարիչ:

Ծնվել է 1973 թվականի հունիսի 30-ին:

Կրթություն

• 1990–1995, սովորել է ԵՊՀ իրավագիտության ֆակուլտետում:
• 1995–1998, սովորել է ԵՊՀ իրավագիտության ֆակուլտետի սահմանադրական և միջազգային իրավունքի ամբիոնի ասպիրանտուրայում: 1998 թվականի հունիսի 18-ին պաշտպանել է Թեկնածուական ատենախոսություն, թեման՝ «Մարդու կոլեկտիվ իրավունքների պաշտպանությունը ՀՀ-ում»: Իրավաբանական գիտությունների թեկնածու (1998):
• 2001–2005, սովորել է ԵՊՀ տնտեսագիտության ֆակուլտետում:
• 2003 թվականից, ԵՊՀ իրավաբանական ֆակուլտետի սահմանադրական և միջազգային իրավունքի ամբիոնի դոցենտ։

Աշխատանքային փորձ

• 1996 մարտ–1998 հուլիս, աշխատել է ՄԱԿ-ի Հայաստանյան գրասենյակի և ՀՀ կառավարության կողմից հիմնադրված Ժողովրդավարության և մարդու իրավունքների կենտրոնի գլխավոր քարտուղարի իրավական հարցերով խորհրդական։
• 1997–2003, ԵՊՀ իրավագիտության ֆակուլտետի սահմանադրական իրավունքի ամբիոնի ասիստենտ,
• 2003 թվականից, ԵՊՀ իրավագիտության ֆակուլտետի սահմանադրական իրավունքի ամբիոնի դոցենտ։ Կարդում է «Հայաստանի Հանրապետության սահմանադրական իրավունք», «Արտասահմանյան երկրների սահմանադրական իրավունք», «Մարդու իրավունքներ» դասընթացները: Դոկտորական ատենախոսության թեման` «Համակարգային հակամարտությունների ծագումնաբանությունը սահմանադրաիրավական կարգավորման մեխանիզմում»:

Մասնագիտական անդամակցություն

• 2004–2007, ՀՀ պետական կառավարման ակադեմիայի գիտական աստիճաններ շնորհող մասնագիտական խորհրդի անդամ։
• 1998 թվականից, Ժողովրդավարության և մարդու իրավունքների ազգային կենտրոնի վարչության անդամ:
• 1998 թվականից, ՀՀ իրավաբանների միության անդամ։
• 2000 թվականից, Փաստաբանների միջազգային միության անդամ:
• 2005 թվականից, ՀՀ փաստաբանական պալատի անդամ։

Ամուսնացած է: