Quick Facts
Biography
D'Vanessa Jopp, gebuer den 28. Februar 1971 zu Leonberg, ass eng däitsch Filmregisseurin.
Liewen
D'Vanessa Jopp huet fir d'éischt dräi Semestere laang Wirtschaftswëssenschafte studéiert ier se 1993 un der „Hochschule für Fernsehen und Film München“ opgeholl gouf. Do sinn d'Aarbechten One Night Suicide a Café True Romance entstanen.
Bekannt gouf d'Jopp virun allem duerch d'Filmer Vergiss Amerika (2000) mam Franziska Petri, dem Marek Harloff an dem Roman Knižka an Engel & Joe (2001) mam Robert Stadlober an dem Jana Pallaske. A Koregie mat dem Florian Gallenberger an anere jonke Regisseuren ass 2001 den Episodefilm Honolulu entstanen. D'Jopp huet och den Tatort-Krimi Der schwarze Troll, erëm mam Marek Harloff, inzeenéiert. Op der Berlinale 2006 ass hiren Drama Komm näher mat dem Meret Becker, dem Stefanie Stappenbeck an dem Marek Harloff gelaf. De Film krut zwou Nominéierunge fir den Däitsche Filmpräis.
Hir Filmaarbechten
- 1997: This Is a True Story About a Puker On the Roof, Regie
- 1998: Im Auftrag des Herrn, Regie-Assistenz
- 1999: Vergiß Amerika, Regie
- 1999: Run to Me, Regie
- 1999: Honolulu, Regie an Dréibuch
- 2000: Engel & Joe, Regie an Dréibuch
- 2001: Blackeyed, Regie
- 2003: aus der TV-Krimi-Serie Tatort: Der schwarze Troll, Regie