Quick Facts
SagittariusBiography
Валянціна Антонаўна Сяма́шка (дзявочае Ісаева) (24 лістапада 1868, Слуцк — 1938, Мінск) — беларуская піяніст і педагог.
Біяграфія
Нарадзілася ў Слуцку. Скончыла Маскоўскую кансерваторыю ў В. Сафонава, дзе займалася адначасова з С. Рахманінавым і А. Скрабіным. Пасля кансерваторыі выступала як піяніст-саліст у адным ансамблі разам са сваім мужам, вядомым віяланчэлістам Сямашкам Марыянам Рамуальдавічам. У іх доме часта бываў П. І. Чайкоўскі, які любіў музіцыраваць з Марыянам і Валянцінай.
У 1920 была запрошана выкладаць у Мінскі музычны тэхнікум, дзе развівала традыцыі маскоўскай фартэпіяннай школы. Уся атмасфера ў класе В. Сямашка была прасякнута духам творчасці, любові да музыкі, адчуваннем радасці адкрыцця прыгажосці, паэзіі. Вучоба ў Маскоўскай кансерваторыі, знаёмства з юных гадоў з С. Рахманінавым, А. Чэхавым і іншымі выбітнымі дзеячамі рускай культуры канца XIX — пачатку XX стагоддзя, — усё гэта атачала В. Сямашка ў вачах яе вучняў паэтычным арэолам, надавала ёй цалкам асаблівую прыцягальную сілу, зачараванне. З 1932 года Валянціна Сямашка дацэнт Беларускай дзяржаўнай кансерваторыі.
Аўтарытэт В. Сямашка быў такі вялікі, што Г. Нейгаўз, калі яго прасілі пра якія-небудзь важныя справы, што з яго дапамогай трэба было вырашыць у Мінску, заўсёды адказваў: «Так у Мінску ж Сямашка!».
Сярод вучняў В. Сямашка: Ірына Цвятаева — прафесар Беларускай дзяржаўнай кансерваторыі, Сяімён Талкачоў.
У Мінску яна арганізавала хатнія музычныя вечары для мясцовых настаўнікаў, на якіх выступалі яе вучні.
Памерла ў Мінску, пахавана на Вайсковых могілках.
Сям’я
У кастрычніку 1897 года ажаніліся з віяланчалістам Вялікага тэатра Марыянам Рамуальдавічам Сямашкам, які блізка сябраваў з А. П. Чэхавым.
Сын Міхаіл (23.8.1898 — ?), яго жонка Любоў Лаўраўна Сямашка (нар. Васюковіч) — артыстка оперы, музычны педагог.
Зноскі
Літаратура
- Цвятаева І. А. Сяма́шка (дзявочае Ісаева) Валянціна Антонаўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 342. — 10 000 экз. — ISBN 985-11-0035-8. — ISBN 985-11-0251-2 (т. 15).