Urbano Prieto

Urbano Prieto (Oliciu, Cangues) ye un cantante asturianu de tonada.

Como ye habitual nel mundu de la tonada, Urbano participa nos concursos entamaos a lo llargo d'Asturies y, ente otros, algamó'l segundu premiu na XIV edición del Concursu de Canción de les Mines.

Nel añu 2002 grabó con otros intérpretes el CD La Tonada de la Mina nel que dexó registraos los temas de La Carbonera y Déxame pasar que voi.

Nel añu 2004 participó nel espectáculu Nel Camín del que yera guionísta Ismael González Arias.

Tamién interpretó canción dialogada xunto con Liliana Castañón.

A lo llargo de los años 2003, 2005, 2006 y 2007 tuvo presente nos llistaos del Memorial Silvino Argüelles, que reconocíen a les meyores voces del añu.