Unto Miettinen

Унто Олави Миеттинен (даволковонь 11це чистэ, 1915 Хельсинки ош– ожоковонь2це чистэ, 1993, Хельсинки ош) финнэнь содавикс радиосо важодиця ды депутат.

Мезде сёрмадозь

• Од поразо ды ойнань шкась
• Радиосо ды политикасо важодемазо
• Финнэнь келентень малавикс раськетнева артнемазо
• Сёрмадовксонзо
• Лисьмапрят
• Ссылкат
• Ваннодо лия лисьмапрят
  

Од поразо ды ойнань шкась

Унто Миеттинен чачсь Хельсинкисэ, рабочей раськесэ. Ушодкс школань прядомадо мейле важодсь кузнецекс, секе шкане тонавтнесь рабочей училищасо.Боксонь ты кедь лангсо тюремань вечкиця Миеттинен уш од порасто явиль мель политиканень дысовась Финнэнь Коммунистэнь Партияс, конась се шкане ульнесь кардазь.

1934-1936 иетнестэ Унто тонавтнесь СССРсэ, Коминтернэнь высшей тонавтнема таркасо. Финляндияв велявтомадо мейле, колмо иеть- 1939 иестэ саезь -аштесь пекстазь коммунистэнь партиясо улемань кисэ ды СССРсэ тонавтнемань кисэ. Унто аштесь пекстазь Каколань буень тюрьмасо Турку ошсо ды Сонкаярвень тюрьмасо.

Тюрьмасо аштема шкась прядовсь ойнань шкане, 1942 иестэ кизнат.

Ансяк Унто эзь аште олячисэ, сонзэ ютавтызь лия коммунистэнь активист марто, кода мерить, ванстовтома таркас. Васня кирдизь Куопионь тюрьмасо, мейле ютавтызь Карвиань тюрмав.

Радиосо ды политикасо важодемазо

Миеттиненэнь нолдызь сексня, 1944 иестэполитикань коряс тюрмасо лия аштицятнень марто. Лисемде мейле сон ульнесьОд Ломанень Демократиянь Вейсэндявкссо, ды текень марто важодсь TUL кулялопасо.

1945 иестэ кармась важодеме весе финнэнь масторонь радиосо - Yleisradio. Сёрмадстызе прянзо Пекка Тииликайненэнь курсас, косо тонавтсть комментаторт. Васня ульнесь спортонь кулянь комментаторокс. Ёвтнесь Финнэнь масторосо ютавтовиця 1952 иестэ Олимпиададонть радиова.

Сон эзь пачкоде 1948 иестэ Лондононь Олимпиадас, секс мекс спортонь прявтось Юрьё Энте эзь макст тензэ виза коммунистэнь икелев важодемань кувалт.

Унто Миеттинен ульнесь профсоюзонь прявт радиосо 1946-1962 иестэ. Сон ульнесь прявт комментаторокс финнэнь радиосо 1968 иестэ саезь пенсияс лисемас – 1978 иестэ. 1977 иестэ сонензэ максть профессоронь лем. Сон ульнесь васенце финнэнь масторонь радиосо важодиця, конанень максть истямо питне. 1972 иестэ тензэ максть журналистэнь вейсэндявкэнь премия ды Государственной финнэнь информациянь премия 1973 иестэ.

Ульнесь депутатокс 1954-1958 SKDL партиянь вельде. Ульнесь президентэнь кочксицякс 1956 иестэ.Унто Миеттинен ульнесь ООН делегациясо.

Финнэнь-угрань раськетненень ардтнематне

Сонзэ сехте покш тевекс лововикирдань-коень, историянь пурнамось ды ванстомась финнэнь-угратнень юткова. 20 иень перть сон ламонь кирда сакшнось СССРов ды тейсь малава 400 радиорепортажт финнэнь-угрань раскетнень эрямодо. Васенцекс сон ардсь 1959 иестэ Тверень Карелияв. Сон ульнесь весенце чивалгома ёнксонь журналистэкс, конантень макссть арднемс СССРонь эрьва пева.

Тверень Карелиядо башка сон пек ламо арднесь Коминь масторга. Ламонь кирда маронзо ульнесь Пертти Виртаранта профессорось.

Сакшнось Мокшэрзянь масторов: ульнесь Тумонь буесэ (Дубинкасо) 1962 иестэ.

Тосо ульнесть ламо вастневемат ды теезельть ламо фотокувт, конатне неень шкане ванстовить Саранскоень Воронинэнь лемсэ музейсэ. Фотокувтнэ:

• Унто Миеттинен ды Кокорев П.А. колхойсэ важодицятнень марто дыкультура кудонь морыцятнень марто.
• Унто Миеттинен, Березин А.И., Суродеев Н.М.В.И.Ленинэнь лемсэ колхозонь фермасо
• Кокорев П.А. ды Унто Миеттинен"Умарина" морамо куронть марто
• Унто Миеттинен дыКокорев П.А. викшнезь столь ланго марто - эрзянь викшницятнень пельде казне.
• Цёра ломанть молить ловов паксява самолетсто. Куншкасо диктофон ды фотоаппарат марто- Унто Миеттинен, керш ёно- Березин А.И. ды Кокорев А.П., вить ёно- Суродеев Н.М.
• Унто Миеттиненмаксы финнэнь музеень важодицятненень книгат, конатнень туинзе Мокшэрзянь масторсто.
• Миеттинен раськесь кудосо. Стенань куншкасо ашти Ф.Сычковоньэрзявань артовкс.
• Унто Миеттинен тусь эрзянь казнеть Тойне Инкери Кауноненэньды Ауво Хирсярвинэнь, Финляндиянь Раськень музеень важодицятненень.
• Унто Миеттинен ды Кокорев П.А. В.И.Ленин лемсэ колхозонь Суродеев Н.М председателень кудосо.
• Унто Миеттинен записе диктофон лангс эрзянь морот, морыцятне -тейтерть ды цёрат Дубинкань культурань кудонь.

СССРдо мейле сон ульнесь Китайсэ ды Монголиясо 1950 иестэ. Теде мейле сёрмадсь ловномапусмо "Чиньстямонь мастор". Истяжо ульнесь Кореясо, Филиппинсэ, Од Зеландиясо.

• Päivännousun maa – Kiina eilen, tänään ja huomenna Tammi 1951.
• Erään työmiehen päiväkirjasta – Lauri Vileniuksen muistelmia ja pakinoita (Lauri Vilenius, toim. Unto Miettinen), Otava 1971.
• Unton tarina – Unto Miettisen vuosikymmenet (kirj. Tapani Suominen ja Pentti Kemppainen), WSOY 1980

• Tapani Suominen, Pentti Kemppainen: Unton tarina. WSOY 1980, ISBN 951-0-10104-4
• Eläkeläinen, 6/2008
• Kansanedustajamatrikkeli
• Bibliografia Fennica