Quick Facts
Biography
Tomorr Osmani (1935, Shkodër) është gjuhëtar, mësimdhënës dhe albanolog shqiptar nga Shkodra, përndryshe vëllai i Shefik Osmanit.
Biografia
Tomorr Osmani lindi në Shkodër, ku kreu dhe shkollën e mesme. Ndoqi studimet e larta dhe u diplomua në degën e gjuhës shqipe e të letërsisë në Universitetin e Tiranës (1958). Shërbeu disa vjet në arsimin e mesëm. Që nga viti 1963 punoi profesor në Universitetin e Shkodrës "Luigj Gurakuqi", nga viti 1995 ishte përgjegjës i sektorit shkencor të albanologjisë, ndërsa në vitet 2005- 2007 ishte drejtor i departamentit të gjuhësisë. Ka shkruar dhe publikuar studime e artikuj në shtypin shkencor profesional si dhe disa tekste universitatre për gjuhën shqipe. Ka qenë kryeredaktor i "Buletinit shkencor" (Seria e shkencave shoqërore) të Universitetit të Shkodrës (nga viti 2000). Ka qenë delegat i Kongresit të Drejtshkrimit (1972). Eshtë dekoruar me Urdhrin "Mjeshtër i Madh".
Vepra
- "Histori e alfabetit të gjuhës shqipe" (Tiranë, 1987),
- "Udha e shkronjave shqipe" (Shkodër, 1999; botimi i dytë i plotësuar Tiranë, 2008);
- "Komisia Letrare Shqipe e Shko-drës" (Shkodër, 2004);
- "Tradita dhe e sotmja në vështrimin gjuhësor" I, II (Shkodër, 2006, 2007);
- "Tabu dhe eufemizma" (Shkoder, 2000),
- "Universiteti i Shkodrës ndër vite" (Shkodër, 2002)
Shih edhe
- Universiteti i Shkodrës
Referime
- ^ Lafe, Emil, red. (2008). "Fjalor Enciklopedik Shqiptar". (Encyclopedic Dictionary of Albania). Vëll. 3. Tiranë: Akademia e Shkencave e Shqipërisë. fq. 1906. ISBN 9789995610272. OCLC 426069353.
- ^ "Kopje e arkivuar". Arkivuar nga origjinali më 18 korrik 2023. Marrë më 18 korrik 2023.
{{cite web}}: Mungon ose është bosh parametri|language=(Ndihmë!)Mirëmbajtja CS1: Archived copy si titull (lidhja) - ^ https://www.starplus-tv.com/tomor-osmani-nje-jete-me-albanologjine/