Tomás Pérez Vidal

Tomás Pérez Vidal, nado en Casaio (Carballeda de Valdeorras) o 21 de decembro de 1954, é un político galego.

Licenciado en Ciencias Económicas e Empresariais pola Universidade Complutense de Madrid e con coñecementos de Dereito pola Universidade María Cristina de El Escorial. Foi Subdirector xeral de Xestión Económica da Xunta de Galicia (1982) e Director xeral de Relacións Institucionais (1983-1985). Elixido deputado do Parlamento de Galicia na I e II lexislatura, en 1985 foi elixido Vicepresidente do Parlamento. Foi presidente do Parlamento de Galicia, logo da morte do seu antecesor Antonio Rosón Pérez, entre o 13 de maio de 1986 e o 16 de xaneiro de 1990. Foi designado senador pola Comunidade Autónoma de Galicia na IV Lexislatura (1989). Foi concelleiro en Ourense logo das eleccións de 1991, deputado provincial na Deputación de Ourense e ao pouco de ser nomeado conselleiro de Agricultura, Gandería e Montes en 1991, abandonaría o seu asento no Senado. Continuaría de conselleiro ata 1997, cando foi substituído por Cástor Gago.

Predecesor: Antonio Rosón Pérez	Presidente do Parlamento 1986–1990	Sucesor: Vitorino Núñez
Predecesor: José Manuel Romay Beccaría	Conselleiro de Agricultura, Gandería e Montes 1991–1997	Sucesor: Cástor Gago

Ligazóns externas

• Ficha no Senado