Quick Facts
Biography
Tobias Eckhard (* 1. November 1662 in Jüterbog; † 13. Dezember 1737 in Queddelnborg) weer en düütschen Pädagoog, evangeelschen Theoloog un Philoloog.
Eckhard is 1662 as Söhn von en Riedoffzeer boren. He weer op dat Gymnasium in Halle un hett sik 1682 an de Universität Wittenbarg inschreven. 1686 is he Magister worrn un 1689 as Adjunkt an de philosophische Fakultät opnahmen worrn.
Dat Studium von de Theologie hett he mit’n akadeemschen Graad von en Lizentiat afslaten. 1691 güng he as Kunrekter an dat Gymnasium Athenäum in Stood un is dor 1693 Rekter worrn. 1704 güng he as Rekter na Queddelnborg.
En Reeg von Eckhard sien lütte Schriften sünd vondaag verloren gahn. He hett sik mit de Polyhistorie uteneensett un harr en groot Intress an Spraken, besünners för Franzöösch, Italieensch un Hebrääsch.
Sien Söhn weer de Jurist Christian Heinrich Eckhard.
Warken
- Selecta non Cristianorum de Christo testimonia. 1703, 1725, 1736
- De meritis comitum Stolbergensium in rem litterariam,. 1719
- Vita Alberti Stad. 1726