Tigran Atabekyan

Վիքիպեդիայում կան հոդվածներ Աթաբեկյան ազգանունով այլ մարդկանց մասին։

Տիգրան Նազարի Աթաբեկյան (օգոստոսի 10, 1888(1888-08-10), Թիֆլիս, Ռուսական կայսրություն - հուլիսի 13, 1959(1959-07-13), Թբիլիսի, Վրացական ԽՍՀ, ԽՍՀՄ), հայ աշխարհագրագետ։ Պրոֆեսոր (1938)։

Տիգրան Աթաբեկյանը ծնվել է 1888 թվականին Թիֆլիս քաղաքում։ 1914 թվականին ավարտել է Սանկտ Պետերբուրգի պոլիտեխնիկական ինստիտուտի տնտեսագիտական բաժինը, 1917 թվականին՝ Մոսկվայի առևտրային ինստիտուտը։

Դասավանդել է Թբիլիսիի, Անդրկովկասի կոմիտեի (աշխարհագրության ամբիոնի վարիչ), Քութայիսի մանկավարժական համալսարաններում, Վրաստանի կոմերտմիության բարձրագույն դպրոցում։

1933-1935 թվականներին եղել է Երևանի պետական համալսարանի տնտեսական աշխարհագրության ամբիոնի վարիչ։ 1938-1947 թվականներին դասավանդել է Քութաիսիի մանկավարժական ինստիտուտում և Թբիլիսիի համալսարանում։ Պրոֆեսոր Աթաբեկյանը թողել է գիտական աշխատություններ, որոնք վերաբերում են Անդրկովկասի տնտեսական աշխարհագրության հարցերին։

Աշխատանքները վերաբերում են Հարավային Կովկասի տնտեսական աշխարհագրության հարցերին։