Tatevik Ghazaryan

Տաթևիկ Խաչատուրի Ղազարյան (փետրվարի 19, 1983(1983-02-19), Երևան, Հայկական ԽՍՀ, ԽՍՀՄ), հայ դերասան:

Տաթևիկ Ղազարյանը ծնվել է 1983 թվականի փետրվարի 19-ին, Երևանում: Սովորել և ավարտել է Երևանի Խաչատուր Աբովյանի անվան թիվ 2 միջնակարգ դպրոցը, 1999-2003 թվականներին՝ Երևանի թատրոնի և կինոյի պետական ինստիտուտի դերասանական ֆակուլտետը: 2000 թվականից Երևանի Սոս Սարգսյանի անվան պետական Համազգային թատրոնում աշխատում է որպես դերասանուհի: 2001-2003 թվականներին Հայկական երկրորդ հեռուստաալիքում եղել է հաղորդավար: 2003 թվականից մի շարք հեռուսաընկերություններում աշխատում է որպես ֆիլմերի կրկնօրինակող: 2003-2004 թվականներին աշխատել է Երևանի Երիտասարադական փորձարարական թատրոնում: 2006-2011 թվականներին եղել է Երևանի պետական կամերային երաժշտական թատրոնի դերասանուհի: 2010 թվականից դասավանդում է տարածաշրջանային թիվ 1 պետական քոլեջում: Մասնակցել է մի շարք միջազգային փառատոների` Իրանի «Իրանզամին», Ռուսաստանի «Մինիֆեստ» և այլն:

• «Կնոջ լավագույն դերակատարման» համար մրցանակ, 2003
• «Բազե» համահայկական երիտասարդական հավաքի «Լավագույն ազգային ստեղծագործող-կատարող» ՀՀ վարչապետի հատուկ մրցանակ, 2004
• ՀՀ մշակույթի նախարարության պատվոգիր, 2011
• ՀԹԳՄ «Արտավազդ» մրցանակ, 2012
• ՀԹԳՄ «Արտավազդ» մրցանակ՝ որպես «Լավագույն դերասանուհի» («Սովորական օր» ներկայացման համար)

• Մայր՝ Արև Սանթրոսյան, դերասանուհի
• Քույր՝ Շուշան Ղազարյան, դերասանուհի