Tarikh Omarov

Тарих Омаров(1939 жылдың 11 маусымы, Алматы облысы Райымбек ауданы Нарынқол ауылы — 2019 жыл) – медицина ғылымының докторы (1991), профессор (1991).

Ұлы жүздің Албан тайпасынан шыққан.

Алматы мемлекеттік медицина институтын (1963, Қазақ ұлттық медицина университеті) бітірген.

Алматы облысы Нарынқол (қазіргі Райымбек) ауданы ауруханасында бөлімше меңгерушісі (1963–1965), Қазақ туберкулез аурулары ғылыми-зерттеу институтында стажер-ізденуші (1966), Мәскеу қаласындағы КСРО Туберкулез аурулары ғылыми-зерттеу институтында клиникалық ординатор (1966–1968), аспирант (1968–1971), Алматы қаласындағы Қазақ туберкулез ғылыми-зерттеу институтында кіші ғылыми қызметкер (1971–1973), бөлім меңгерушісі (1980–1992), диспансерлік бөлімнің меңгерушісі (1992 жылдан), осы институттың Гурьев (қазіргі Атырау) қаласындағы бөлімшесінде бөлім меңгерушісі (1973–1980) қызметтерін атқарды.

Тарих Омаров 2019 жылы дүниеден озды.

200-ден астам ғылыми жарияланымның авторы.

1. ↑ Алмабеков Т. Албан ата энциклопедиялық шежіре. // [1] —Алматы, 2003. — 1352 б. — ISBN 9965-00-838-8.
2. ↑ "Қазақ энциклопедиясы"