T. Murugesan

കേരളത്തിലെ ഒരു കോൺഗ്രസ് പ്രവർത്തകനും മുൻ നിയമസഭാംഗവുമായിരുന്നു ടി. മുരുഗേശൻ എന്ന മുരുഗേശൻ തിരുവെങ്കടൻ (സെപ്റ്റംബർ 1917-??). ദേവികുളം ദ്വയാംഗ നിയമസഭാമണ്ഡലത്തിൽ നിന്നും കോൺഗ്രസ് സ്ഥാനാർഥിയായി വിജയിച്ചാണ് ഇദ്ദേഹം രണ്ടാം കേരളനിയമസഭയിൽ അംഗമായത്. ഹരിജൻ സേവക് സംഘത്തിന്റെ സ്ഥാപകനും ചെയർമാനുമായിരുന്നു. കേരളാ പ്ലാന്റേഷൻ ഡിപ്രസ്ഡ് ക്ലാസ് ലീഗ് പ്രസിഡന്റ്; ഓൾ കേരള കാർഡമം പ്ലാന്റേഷൻ യൂണിയൻ പ്രസിഡന്റ്; സൗത്ത് ഇന്ത്യൻ പ്ലാന്റേഷൻ വർക്കേഴ്സ് യൂണിയൻ സെക്രട്ടറി എന്നീ പദവികൾ വഹിച്ച മുരുഗേശൻ സ്വാതന്ത്ര്യ സമരവുമായി ബന്ധപ്പെട്ട പ്രവർത്തങ്ങളിലും സജീവമായിരുന്നു. പ്ലാന്റേഷൻ തൊഴിലാളികൾക്കായുള്ള സഹകരണ സംഘങ്ങളുടെ സംഘാടകനും കൂടിയായ ഇദ്ദേഹം ഒരു എസ്റ്റേറ്റ് സൂപർവൈസറും കൃഷിക്കാരനുമായിരുന്നു.