Quick Facts
Biography
Suryana Fatah (Lélés, Garut, 1920 - Bandung, 6 Séptémber 2003)), salah saurang ahli ngabodor pituin Sunda.[rujukan?] Anjeunna leuwih kaceluk salaku Babah Holiang, wasta panggung anjeunna salila jadi anggota grup lawak D'Kabayan antara taun 1970-an nepi ka taun 1980-an.[rujukan?]
saméméh ngahiji jeung D'Kabayan, Suryana ilubiung jeung grup lawak 4S bareng Sup Yusuf.[rujukan?] Salila aktif di D'Kabayan (jeung Kang Ibing, Aom Kusman, Ujang, ogé Sofyan Hargono), Suryana lekoh pisan mintonkeun ucap laku urang Cina tur milu ngawentarkeun kecap "haiya", "owe" jeung sajabana.[rujukan?] Sanajan loba jelema (kalebet seke seler Tionghoa) nu nyangka urang Tionghoa asli, Suryana téh pituin Sunda ti Garut.[rujukan?] Sabada pangsiun ti D'Kabayan taun 1994, Suryana neraskeun aktifitasna janten mubaleg nu masihan ceramah ti masjid ka masjid di sabuderan kota Bandung. [rujukan?]
Suryana Fattah ngantunkeun dinten Sabtu tanggal 6 September 2003 di di Rumah Sakit Muhammadiyah, Bandung.[rujukan?] Suryana pupus saatos keuna stroke nu ngabalukarkeun panyawat darah tinggi.[rujukan?] Anjeunna dikurebkeun di Pamakaman Umum Cikutra Bandung diluuhan ku ratusan anggota masarakat jeung gegedug lawak di Bandung, antawisna Sup Yusuf sareng Kang Ibing
Numutkeun Asep Sumantara (salahsaiwos putrana), Suryana hoyong pisan salahshiji anak-incuna neruskeun tradisi bobodoran di kulawargana.[rujukan?] Sanajan kitu, ti sapuluh anak sareng 25 incuna, ngan Nana Suryana Fatah nu sering manggung jadi artis lawak [1]. Sarua jeung bapana, Nana SF mindeng kabagéan peran Babah Tionghoa, di antarana jadi bentang tamu Bagito Show, atawa salaku Ci Poa di sinetron Kawin Gantung 2.