Quick Facts
CancerBiography
- Անվան այլ կիրառումների համար տե՛ս՝ Սուրեն Ավետիսյան (այլ կիրառումներ)
Սուրեն Համբարձումի Ավետիսյան (հուլիսի 15, 1963(1963-07-15), Սպիտակ, Հայկական ԽՍՀ, ԽՍՀՄ - հոկտեմբերի 26, 1999(1999-10-26)), հայ տնտեսագետ։ Սպիտակի քաղաքապետ (1996-1999)։ ՀՀ ԱԺ պատգամավոր (մայիս - հոկտեմբեր 1999)։
Կենսագրություն
Սուրեն Ավետիսյանը ծնվել է 1963 թվականի հուլիսի 15-ին, Սպիտակ քաղաքում։ 1984 թվականի ավարտել է Երևանի ժողովրդական տնտեսության ինստիտուտը։ 1984-1986 թվականներին ծառայել է խորհրդային բանակում։ 1986-1988 թվականներին աշխատել է Սպիտակի վերալակաշինական գործարանում, եղել բաժնի վարիչ, արտադրամասի պետ, 1988-1992 թվականներին՝ փոխտնօրեն, 1992-1996 թվականներին՝ «Լույս» հայ-ռուսական համատեղ ձեռնարկության գլխավոր տնօրեն։
1996 թվականին ընտրվել է Սպիտակի քաղաքապետ։ Սուրեն Ավետիսյանի քաղաքապետ եղած տարիներին (1996-1999) իրականացվել են քաղաքի կառուցապատման աշխատանքները։ Ջիմ Թորոսյանի նախագծերով այդ տարիներին Սպիտակում կառուցվել են բնակարաններ, դպրոցներ, երաժշտական դպրոց, Սուրբ Հարություն եկեղեցին, մշակույթի պալատը, վերակառուցվել է քաղաքի զբոսայգին։
1999 թվականի մայիսի 30-ին թիվ 51 ընտրատարածքից ընտրվել է ՀՀ ԱԺ պատգամավոր։ Եղել է ֆինանսավարկային, բյուջետային և տնտեսական հարցերի մշտական հանձնաժողովի անդամ, «Կայունություն» պատգամավորական խմբի անդամ։
Մահ
1999 թվականի հոկտեմբերի 26-ին դարձել է ավտովթարի զոհ։
Հիշատակ
- 2012 թվականի հունվարից Սպիտակի թիվ 3 միջնակարգ դպրոցը վերանվանվել է Սուրեն Ավետիսյանի անունով։
- Սպիտակում կա Սուրեն Ավետիսյանի անունով դպրոց։
Ընտանիք
Սուրեն Ավետիսյանն ունի երեք երեխա։