Sunniva Schultze-Florey

Sunniva Schultze-Florey (f. 1984) er ein Raudt-politikar frå Bergen. Ho er gruppeleiar i Raudt-gruppa på Fylkestinget i Hordaland.

Schultze-Florey har bakgrunn frå Raud Ungdom, Målungdomen, Ungdom mot Narkotika, og har jobba mykje med antirasisme.

Schultze-Florey var regionsansvarleg for Vestlandet Raud Ungdom frå 2002 til 2004.Ho sit i fylkesstyret i Hordaland RV, og har gjort det sidan 2002.Ho vart vald inn for RV på Fylkestinget som 18-åring ved fylkestingsvalet i 2003. Ho sit i utval for opplæring og helse og har markert seg mellom anna som motstandar av samanslåing av vidaregåande skular og nedlegging av spesialskular. I desember 2007 fekk ho vedteken ein plan mot diskriminering av homofile i den vidaregåande skulen i Hordaland. I januar 2008 vart ho kåra til Årets homopolitiker 2007 og Årets Homofryd, av Bergen Gay Galla.

Ho tok vidaregåande utdanning på yrkesskule, og studerer no juss ved Universitetet i Bergen. Ved studentrådsvalet 2007 vart ho vald inn i studentrådet i Bergen, for Raudt Universitets- og Høgskulelag. Ho er medlem av Norsk Studentunion, NSUs landsstyre.

Schultze-Florey sit òg i styret til Kvinnegruppa Ottar i Bergen, og har gjort det sidan 2006.