Statius Buscher

Staats Büscher (* 1584 in Hannover; † 14. Februar 1641 in Stood) weer en düütschen Theoloog un Pädagoog.

Büscher is 1584 in Hannover boren. He hett 1606 an de Universität Tübingen studeert, 1608/1609 an de Universität Gießen un toletzt an de Universität Rostock.

He weer von 1612 bet 1615 Rekter von dat Athenaeum Stood. Na de Tied in Stood güng he na Hannover. He weer dor toeerst von 1615 bet 1626 Rekter von dat Raadsgymnasium un denn Pastoor an de Aegidienkark. Sien Vader Heizo Büscher un Grootvader Vitus Büscher weren vör em ok al Rekters an dat Raadsgymnasium ween.

1640 hett he in siene Schrift Cryptopapismus novae theologiae Helmstadiensis den Theoloog Georg Calixt an de Universität Helmstidde scharp angrepen. Büscher sülvs weer en laten Anhänger von’n Ramismus. An’n 26. Mai 1640 hett he Hannover verlaten un is na Stood gahn, nadem he von wegen sien Cryptopapismus Arger mit de Kark un Hertog Georg kregen harr. Dor is he een Johr later denn doodbleven.

• Cryptopapismus novae theologiae Helmstadiensis. 1640

1. ↑ Jörg Baur: Lutherische Gestalten - heterodoxe Orthodoxien: historisch-systematische Studien. Mohr Siebeck, 2010, Sied 78
2. ↑ Johann Heinrich Pratje: Die Herzogthümer Bremen und Verden, oder vermischte Abhandlungen zur Erläuterung der politischen-Kirchen-Gelehrten und Naturgeschichte wie auch der Geographie dieser beiden Herzogthümer. Bremen 1757–1762, Sied 382
3. ↑ Anselm Schubert: [https://books.google.de/books?id=RhXgtxrtwdgC&pg=PA81 Das Ende der Sünde: Anthropologie und Erbsünde zwischen Reformation und Aufklärung. Vandenhoeck & Ruprecht, 2002, Sied 81ff