Soedarpo Sastrosatomo

Soedarpo Sastrosatomo (lair Pangkalan Susu, Langkat, Sumatera Utara,30 Juni 1920 — tilar donya Jakarta, 22 Oktober 2007) ya iku juru runding, nasionalis, lan pengusaha kang akèh perané sajroning mbantu perjuangan diplomasi Indonésia ing mangsa-mangsa wiwitan kamardikan.

Dhèwèké uga anggota perunding Indonésia sajroning Perundingan Linggarjati, banjur dadi anggota perwakilan RI ing PBB taun 1948 tekan 1950. Sawisé dadi pegawai negeri sapérangan wektu, dhèwèké metu saperlu bisnis swasta. Dhèwèké ngedegaké PT. Samudera Indonésia, perusahaan pelayaran gedhé kang ngwasani distribusi barang sa-Indonésia. Sawisé ekspansi ing sapérangan bidang usaha, ing taun 1986 dhèwèké kacathet mimpin 21 perusahaan.

Dhèwèké dikenal minangka sawijining pengusaha Indonésia kanthi jejuluk Raja Kapal amarga perusahaan pelayarané dadi perusahaan garda paling ngarep ing Indonésia. Ing taun 2006, jenengé mlebu ing "Daftar 40 orang terkaya di Indonésia (2006)" saka Majalah Forbes.

Ing mangsa tuwané dhèwèké dikenal minangka filantropis lan akèh sesambungan lan mbantu aktivis perobahan, politisi, lan akademisi.

Soedarpo kawin karo Minarsih Wiranatakusumah lan duwéni anak telu.

Pranala jaba

• (id)Biografi Soedarpo Sastrosatomo Diluncurkan. Kompas, 30 Maret 2001
• (en)#37 Soedarpo Sastrosatomo & family. Forbes.com
• (id)Mengenang Soedarpo. Jawa Pos, 23 Oktober 2007 olèh Didik Rachbini