Sobha Surendran

ബി.ജെ.പി. യുടെപ്രസംഗകയായി അറിയപ്പെടുന്ന ശോഭാ സുരേന്ദ്രൻ പൊതുപ്രവർത്തനം ആരംഭിക്കുന്നത്‌ ബാലഗോകുലത്തിലൂടെയാണ്‌ . ബി.ജെ.പി.യുടെ സംസ്‌ഥാന ജനറൽ സെക്രട്ടറിയാണ് ശോഭാ സുരേന്ദ്രൻ.

തൃശ്ശൂർ ജില്ലാ സെക്രട്ടറി, ജില്ലാ ഭഗിനി പ്രമുഖ്‌ എന്നീ നിലകളിൽ പ്രവർത്തിച്ച ശോഭാ സുരേന്ദ്രൻ എ.ബി.വി.പിയിൽ വിവിധ ചുമതലകളും നിർവ്വഹിച്ചിട്ടുണ്ട്‌. 1995-ൽ യുവമോർച്ച ജില്ലാ വൈസ് പ്രസിഡന്റും പിന്നീട്‌ സംസ്‌ഥാന വൈസ് പ്രസിഡന്റും സെക്രട്ടറിയും അഖിലേന്ത്യാ എക്‌സിക്യൂട്ടീവ്‌ കമ്മിറ്റി അംഗവുമായി. കേരളത്തിൽ നിന്നും നിർവാഹക സമിതിയിലേക്ക്‌ തിരഞ്ഞെടുക്കപെട്ടആദ്യ വനിത കൂടിയാണ് ശോഭാ സുരേന്ദ്രൻ .

2014-ലെ പതിനാറാം ലോകസഭയിലേക്കുള്ള തിരഞ്ഞെടുപ്പിൽ കേരളത്തിൽ പാലക്കാട്ടുനിന്നും ശോഭ ബിജെപി സ്ഥാനാർത്ഥിയായി മത്സരിക്കാൻ തീരുമാനിക്കപ്പെട്ടിരുന്നു.

• 2016-ലെ നിയമസഭാതിരഞ്ഞെടുപ്പിൽ പാലക്കാട് നിയമസഭാമണ്ഡലത്തിൽ നിന്ന് മൽസരിച്ചു.
• 2014-ലെ ലോക്‌സഭാ തിരഞ്ഞെടുപ്പിൽ പാലക്കാട് ലോക്‌സഭാമണ്ഡലത്തിൽ നിന്ന് ബി.ജെ.പി. സ്ഥാനാർത്ഥിയായി മൽസരിച്ചു.
• 2004-ലെ വടക്കാഞ്ചേരി ഉപതിരഞ്ഞെടുപ്പിൽ ബി.ജെ.പി. സ്ഥാനാർത്ഥിയായി മൽസരിച്ചു.
• പൊതുതെരഞ്ഞെടുപ്പിൽ പൊന്നാനിയിൽ നിന്നും പുതുക്കാടു നിന്നും ബി.ജെ.പി. സ്ഥാനാർത്ഥിയായി മൽസരിച്ചു.

വടക്കാഞ്ചേരി മണലിത്തറ പരേതനായ കൃഷ്‌ണന്റെയും കല്ല്യാണിയുടെയും ആറുമക്കളിൽ ഏറ്റവും ഇളയവളായി ജനിച്ചു. ബി.ജെ.പി മധ്യമേഖലയുടെ ചുമതല വഹിക്കുന്ന സെക്രട്ടറി കെ.കെ. സുരേന്ദ്രനാണ്‌ ഭർത്താവ്‌. മക്കൾയദുലാൽ കൃഷ്‌ണ, ഹരിലാൽ കൃഷ്‌ണ.