Singgih Hadi Mintardja

Singgih Hadi Mintardja (Yogyakarta, 26 Januari 1933 – Yogyakarta, 18 Januari 1999), punika satunggiling pionir pengarang cariyos silat saking Yogyakarta. Salami gesangipun, S.H. Mintardja langkung kathah nyerat cariyos bersambung serial silat kanthi setting Kraton Mataram jaman Sultan Agung wonten ing sawatawis ariwarta. Kanthi sangu kawruh sajarah, dipuntambah Kitab Babat Tanah Jawi (ingkang dipunserat mawi aksara Jawi), lajeng nglairaken cariyos Nagasasra Sabuk Inten. Dongèng kanthi latar wingking Kraton Demak punika nglairaken tokoh Mahesa Jenar. Amargi cariyos Nagasasra ingkang 28 jilid punika dados misuwur lan dipungandrungi déning para pamaos, kathah tiyang ingkang lepat panampi lan nginten yèn tokoh Mahesa Jenar punika leres-leres maujud wonten sajarah Demak. Malahan, tim bal-balan asal Semarang lajeng dipunnamèkaken Tim Mahesa Jenar. Mbokmanawi kanthi nami punika kiprah tim wau saged hébat kados déné Mahesa Jenar kanthi aji-aji "Sasra Birawa"-nipun ingkang ngédap-édapi.

SH Mintardja sampun nyerat langkung saking 400-an buku. Carios sèri ingkang paling panjang inggih punika Api di Bukit Menoreh ingkang ngantos 396 buku. Ing ngandhap punika pratélan sawatawis karya piyambakipun ingkang kondhang:

• Api di Bukit Menoreh (396 episode)
• Tanah Warisan (8 episode)
• Matahari Esok Pagi (15 episode)
• Meraba Matahari (9 episode)
• Suramnya Bayang-bayang (34 episode)
• Sayap-sayap Terkembang (67 episode)
• Pura yang Suram (14 episode)
• Nagasasra Sabukinten (16 episode)
• Pelangi Dilangit Singasari
• Hijaunya Lembah Dan Hijaunya Lereng Pegunungan
• Bunga di Batu Karang (14 episode)
• Yang Terasing (13 episode)
• Mata Air di Bayangan Bukit (23 episode)
• Kembang Kecubung (6 episode)
• Jejak di Balik Bukit (40 episode)
• Tembang Tantangan (24 episode)
• Mas Demang
• Mendung Diatas Cakrawala

• Wiki Id: Singgih Hadi Mintardja

• SH Mintardja Telah Tiada
• Carios Nagasara Sabuk Inten 170 episode wonten ing Gajahsora.com