Shoner Paul

Shoner Paul (зэмос нимыз Павел Александров) — тодмо удмурт кырӟась. Вордскиз Татарстанысь Бавлы ёросысь Утор гуртын. Дышетскемын Кузонысь Н. Жиганов нимо консерваториын. Али улэ но ужа Кузонын.

Биографиез

Павел Александров вордскиз 21-тӥ южтолэзе 1994-тӥ арын Татарстанысь Бавлы ёросысь Утор гуртын. Пичи дыръяз садике ветлэмын ӧвӧл, со интые песяезлэн ансамбляз кырӟаны ветлӥз. Озьы 4 аресказ нырысьсэ сцена вылэ потӥз ни. Школаез йылпумъямез бере, Альметьевске дирижёрлы дышетскыны пыриз. Одӥг ар дышетскиз но кошкиз отысь. Кузонысь Н. Жиганов нимо консерваторие этнокрезьгуръя отделение дышетскыны пыриз но «Песенная традиция Бавлинской группы южных удмуртов» дипломзэ утиз. Shoner Paul псевдонимез Павел Александров вотэсэ удмурт кырӟанъёссэ поттакуз кутыны кутскиз. Та псевднонимез — песятаезлэн кушем нимыз.

13-тӥ оштолэзе 2017-тӥ арын Liet International вожвылъяськонэ (ичи лыдъем калыкъёслэн «Евровидениязы») ветлӥз. Та аре вожвылъяськон Норвегиысь Каутокейно карын ортчиз. Shoner Paul отын «Ваньмыз ортче» кырӟанзэ быдэстӥз, солы «4 cheber pios» группаысь крезьгурчи Дмитрий Якимов юрттӥз, со клавишаосын шудӥз. Вожвылъяськонын Павел Александров 3-тӥ инты басьтӥз.

Альбомез

2019-тӥ арын сӥзьыл Shoner Paul нырысетӥ альбомзэ поттӥз. Альбомлэн нимыз «Ulone». Татчы 9 кырӟан пыртэмын. Тямысэз удмурт, огез — коми-пермяк кылын «Yoko» кырӟан. «Ulone» альбоме пырем кырӟанъёс:

• Intro
• Vudiza
• Utchalo
• Dyaraton
• Derem
• Mozmylon
• Gorden
• Ui
• Yoko

2020-тӥ арын Shoner Paul-лэн нырысетӥ клипез потӥз. Клип «Yoko» кырӟанэзлы лэсьтэмын.

Ыстонпусъёс

• Shoner Paul — шонер удмурт пияш
• Кема возьмам Shoner Paul
• Выжы калыкъёслэн «Евровидениязы» мыноз Павел Александров
• Пичи калыкъёслэн «Евровидениязы» удмурт кылын кырӟалоз Павел Александров

• Павел Александров в эфире передачи «Национальный вопрос и — ответ». Выпуск 48
• Павел Александров — Сак Сук (песня бавлинских удмуртов)
• Павел Александров
• Финно-угорский вечер. Казань. УДМУРТЫ. ПАВЕЛ АЛЕКСАНДРОВ.
• Павел Александров в Екатеринбурге. Старинные удмуртские мотивы
• Павел Александров
• Shoner Paul (Павел Александров, Татарстан)
• SHONER PAUL — YOKO (Премьера клипа 2020)

Чӧлсконъёс

• Shoner Paul-лэн «Вконтактеын» бамыз
• Shoner Paul-лэн Instagram-ез
• Shoner Paul Яндекс. Музыкаын