Shmavon Torosyan

Վիքիպեդիայում կան հոդվածներԹորոսյան ազգանունով այլ մարդկանց մասին։

Շմավոն Առաքելի Թորոսյան (ապրիլի 7, 1926(1926-04-07), Ոսկեհասկ, Հայաստան - հոկտեմբերի 18, 1984(1984-10-18), Լենինական, Հայկական ԽՍՀ, ԽՍՀՄ), հայ բանաստեղծ, թարգմանիչ։ ԽՍՀՄ գրողների միության անդամ (1957)։

Ծնվել է ՀԽՍՀ Ախուրյանի շրջանի Ոսկեհասկ գյուղում։ 1948 թվականին ավարտել է Լենինականի մանկավարժական ինստիտուտի լեզվագրական ֆակուլտետը։ 1948-1951 թվականներին աշխատել է Ախուրյանի շրջանի ժողկրթբաժնում որպես տեսուչ, 1951-1967 թվականներին՝ որպես ռադիոթղթակից, ապա Լենինականի ռադիոինֆորմացիայի պատասխանատու խմբագիր։ 1966-1981 թվականներին եղել է Հայաստանի գրողների միության Լենինականի բաժանմունքի պատասխանատու քարտուղարը։ Նրա առաջին բանաստեղծությունը լույս է տեսել 1945 թվականին Ախուրյանի «Կոլտնտեսական» շրջանային թերթում։ Ռուսերեն առանձին գրքով լույս են տեսել նրա «Կյանք, սիրում եմ քեզ» (Մոսկվա, 1962), «Մարդ, քեզ հետ եմ» (Մոսկվա, 1974) բանաստեղծությունների ժողովածուները։ Մահացել է Լենինականում։ ԽՄԿԿ անդամ 1952 թվականից։

• Առաջին ղողանջ, Ե., Հայպետհրատ, 1951, 91 էջ։
• Սիրո թևերով, Ե., Հայպետհրատ, 1956, 89 էջ։
• Շիրակի առավոտը, Ե., Հայպետհրատ, 1959, 141 էջ։
• Պատանության հովտից, Ե., Հայպետհրատ, 1963, 92 էջ։
• Մարդ, քեզ հետ եմ, Ե., «Հայաստան», 1967, 160 էջ։
• Գագաթների հեռուն, Ե., «Հայաստան», 1972, 22 էջ։
• Հանդիպում գագաթին, Ե., «Հայաստան», 1972, 235 էջ։
• Ճերմակ նժույգներ, Ե., «Հայաստան», 1975։

• Լերմոնտով Միխայիլ։ Երկերի ժողովածու երեք հատորով։ Հատոր 1.- Երևան։ Հայաստան, 1965.- 449 էջ․- Բովանդ-ից՝ Որոշ ստեղծագործություններ։
• Լերմոնտով Միխայիլ։ Ընտիր երկեր.- Երևան։ Սովետական գրող, 1982.- 572 էջ.- (Ռուս դասականների գրադարան)․- Բովանդ-ից՝ Որոշ ստեղծագործություններ։
• Կոչևսկի Վիկտոր։ Ցոլքեր.- Երևան։ Հայաստան, 1973.- 212 էջ.- Բովանդ-ից՝ Քո ժպիտն է երկնակամար; Երբ տխրությունն է; Կանաչ էսքիզներ; Ձմռանը թռչելիս; Կիևը նորից; Ասես իմ սիրտն է; Հոգնատանջ հողը; Քնքուշ քո հոգու; Կիևից Կանև են միշտ լողում; Ճանապարհային։
• Մխարգրձելի Ստեպան։ Կենաց եղբայրության։ Բանաստեղծություններ.- Երևան։ Սովետական գրող, 1980.- 44 էջ.- Բովանդ-ից՝ Հովհաննես Թումանյանին; Նաիրի Զարյանին։
• Չեխ և սլովակ բանաստեղծներ․- Երևան։ Հայաստան, 1966.- 237 էջ․- Բովանդ-ից՝ Որոշ ստեղծագործություններ։
• Ջալիլ Մուսա։ Հատընտիր.- Երևան։ Հայպետհրատ, 1959.- 226 էջ.- Բովանդ-ից՝ Թռչնակը; Գայլերը; Դվինային։
• Սիրո և պայքարի երգեր /Թարգմ. ՝ Շ. Թորոսյան, Ա. Սահակյան.- Երևան։ Հայաստան, 1971.- 72 էջ։
• Վրաց գրականության ընտիր էջեր.- Երևան։ Հայպետհրատ, 1961.- 648 էջ.- Բովանդ-ից՝ Մոսաշվիլի Իլո. Ով, իմ հայրենիք; Փոստատարը։
• Տաջիկական քնար.- Երևան։ Հայաստան, 1973.- 379 էջ.- Բովանդ-ից՝ Աշուր Սաֆար։

• Շ. Թորոսյանի 80-ամյակին նվիրված միջոցառման մասին «Ազգ» օրաթերթում