Quick Facts
Biography
Shelly Sterk (De Haach, 30 april 1991) is in Nederlânsk presintatrise, kommentatrise en dokumintêremakster.
Libben en karriêre
Sterk waard yn 1991 berne yn De Haach. Nei't se de middelbere skoalle trochrûn hie oan it Kristlyk Lyseum yn Delft, liet se har yn 2008 ynskriuwe oan 'e Skoalle foar Sjoernalistyk yn Utert. Dêr lei se har ta op tillefyzje, en yn 't bysûnder op it meitsjen fan dokumintêres. Fierders studearre se in skoft oan 'e Hunter College Film Academy yn New York, en teffens die se yn dy tiid har earste presintearûnderfining op.
Under har stúdzjetiid waard Sterk yn 2009 útornearre ta Raw Reporter troch it kleanmerk G-Star. Yn dy hoedanichheid kearde se werom nei New York om dêr ferslach te dwaan fan 'e New York Fashion Week. Nei't se har oplieding ôfrûne hie, wurke Sterk in skoftke by it parseburo ANP en wie se efter de skermen aktyf by de Wrâldomrop en de regionale Omrop West, dêr't se benammen produksje- en redaksjewurk die.
Dêrnjonken rjochte se har eigen produksjestudio op ûnder de namme Sterk Media, wêrfoar't se sels alle items filme, regissearre en montearre. By it grutte publyk waard Sterk benammen bekend as kommentatrise yn 'e rabbersrubryk RTL Boulevard, op RTL4, en mei tillefyzjeprogramma's as Galileo, op RTL5, en de webshow Roadtrippers, op StukTV.
Keppelings om utens
- (ned) Offisjele webside fan Shelly Sterk
- (ned) Shelly Sterk op Twitter
- (ned) Shelly Sterk op Instagram
Boarnen, noaten en referinsjes
| Boarnen, noaten en/as referinsjes: |
Libben en karriêre
Sterk waard yn 1991 berne yn De Haach. Nei't se de middelbere skoalle trochrûn hie oan it Kristlyk Lyseum yn Delft, liet se har yn 2008 ynskriuwe oan 'e Skoalle foar Sjoernalistyk yn Utert. Dêr lei se har ta op tillefyzje, en yn 't bysûnder op it meitsjen fan dokumintêres. Fierders studearre se in skoft oan 'e Hunter College Film Academy yn New York, en teffens die se yn dy tiid har earste presintearûnderfining op.
Under har stúdzjetiid waard Sterk yn 2009 útornearre ta Raw Reporter troch it kleanmerk G-Star. Yn dy hoedanichheid kearde se werom nei New York om dêr ferslach te dwaan fan 'e New York Fashion Week. Nei't se har oplieding ôfrûne hie, wurke Sterk in skoftke by it parseburo ANP en wie se efter de skermen aktyf by de Wrâldomrop en de regionale Omrop West, dêr't se benammen produksje- en redaksjewurk die.
Dêrnjonken rjochte se har eigen produksjestudio op ûnder de namme Sterk Media, wêrfoar't se sels alle items filme, regissearre en montearre. By it grutte publyk waard Sterk benammen bekend as kommentatrise yn 'e rabbersrubryk RTL Boulevard, op RTL4, en mei tillefyzjeprogramma's as Galileo, op RTL5, en de webshow Roadtrippers, op StukTV.