Shaykh Muhammad Ismail Sirhindi Faruqi

خواجہ محمد اسماعیلجو سلسلہ نقشبندیہ میں امام العارفین کے لقب سے پہچانے جاتے ہیں خواجہ صبغۃ اللہ کے فرزنداور خواجہ محمد معصوم کے پوتے ہیں۔

یہ اپنے وقت کے عرفاء اور مقتدیٰ ہیں بڑے بڑے صاحبان کمالات آپ کے فیض یافتہ ہیں انکا شغف شعر و شاعری میں بھی تھا اور تخلص عاشق رکھتے تھے۔ ان کے اشعار کا ایک دیوان بھی ہے آپ نے اپنے آبا ؤ اجداد مجددی خانوادگاں پر کافی مضامین نظم و نثر کی صورت قلمبند کیے۔ اپنے دادا خواجہ محمد معصوم اور والد خواجہ صبغۃ اللہ دونوں سے نسبت اور کمالات حاصل کیے۔

امام العارفین کا وصال 1136ھ 80سال کی میں ہوا انکا مزار خواجہ محمد معصوم کے روضہ انور کے بیرونی احاطہ میں ہے۔ ان کامدفن سرہند شریف، انڈیا میں ہے

آپ کے بہت سے خلفاءہیں جن میں ان کے دو صاحبزادے ایک شاہ محمد صبغۃ اللہ اور اور دوسرے حاجی غلام محمد معصوم عرف خواجہ معصوم ثانی ہیں۔ شاہ محمد صبغۃ اللہ کے توسط سے سلسلہ پشاور ،کابل،ماوراء النہر، روم اور بلغاریہ تک پہنچا انہی کے خلفاء میں خواجہ حسن اتا بھی ہیں جو پشاور کے گردو نواح میں تھے۔