Quick Facts
Biography
El Sfera Ebbasta, nòmm d'art de Gionata Boschetti (Sest San Giovann, 7 desember 1992), a l'è on rapper talian.
Grazzie ai sò lavor, insemma al prodr Charlie Charles, a l'è consideraa vun di pionee del gener trap in Italia.
Carriera
El rapper ha scominciaa a caregà video sora el YouTube in del period 2011-2012 senza, però, scoeud tròpp success. Inquand el produttor Charlie Charles ha deciduu de contattàll sora el Myspace per domandagh ona collaborazión, el rapper ha refudaa. Successivament i duu a s'hinn incontraa a ona festa de Hip Hop TV, menter tucc e duu eren dree a trà de scagn on cancell perchè a eren senza l'inevid. Si come a hinn staa minga bon de intraa a la fin, hann deciduu de andà a majà al McDonald's e proppi chì hann deciduu de scomincià la collaborazión. Lavorand insemma hann produu vari bran e hann publegaa sora el YouTube anca di video auto-produu per i canzon e, dopo la publegazion del video per el bran Panette, ha scominciaa a vess contattaa da ona quaj ca' discografega.
Ha esordii in del 2015 cont el primm disch XDVR, produu tutt da Charlie Charles, on album che ha ottegnii on quaj success in de l'ambient underground sora tucc mersì al bran Ciny, dedicaa al quarter da indue 'l vegn, Cinisell Balsom. La primma version de XDVR a l'è sortida per on'etichetta tutta indipendenta, in "freedownload": in on segond moment, el disch a l'è staa publegaa anmò in version "reloaded" per Roccia Music, l'etichetta di disch indipendenta de Marracash, da cui, poeu, a hinn staa traa-foeura i singoj XDVRMX e Blunt & Sprite. L'album ha faa deventaa pussee famosa la musega trap, ricevend anca on bon giudizzi da part de la critega ma anca ona quaj critega perchè i var bran parlaven de la vitta in di quarter de la periferia, indue se fann attivitaa criminaj e indue a vegnen doperaa drogh comè la codeina e la marijuana.
El 20 de genar 2016 el vegn publegaa sora el YouTube el videoclip del noeuv Blunt & Sprite, che 'l fà minga part di nissun album.
El 9 de settembr 2016 Sfera Ebbasta publega el sò segond album in studi, Sfera Ebbasta, el primm cont i major discografegh Def Jam e Universal, anticipaa di singoj BRNBQ, Cartine Cartier e Figli Di Papà. In del disch chì el rapper el si destacca di tematigh pussee gangsta del primm disch per parlà de argoment pussee ampi. El disch ha ottegnii on ottim success in Italia, rivand a la cima de la classifega di album, intrand anca in classigegh de on quaj paes europee.
Discògrafia
Album
- 2015 – XDVR
- 2016 – Sfera Ebbasta
Singoi
- 2015 – Panette
- 2015 – Mercedes Nero (feat. Duate & Izi)
- 2015 – Ciny
- 2015 – XDVRMX (feat. Luchè & Marracash)
- 2016 – Blunt & Sprite
- 2016 – BRNBQ
- 2016 – Cartine Cartier (con Sch)
- 2016 – Visiera a becco
- 2016 – Bang Bang
- 2017 – Notti
- 2017 – Dexter
Nòt
Ligamm de foeura
- (IT) Sfera Ebbasta