Seyidnisə Seyidrzayeva

Seyid-Nisə Seyid-Rzayeva — fizika-riyaziyyat elmləri namizədi (1980).

Seyid-Rzayeva Seyid-Nisə Mir Tağı qızı 15 noyabr 1947-ci ildə Bakı şəhərində anadan olub. 1955-ci ildə I sinfə getmiş və 1966-cı ildə Bakı şəhər 31 saylı orta məktəbi əla qiymətlərlə bitirmişdir.

1966-cı ildə Azərbaycan Dövlət Universitetinin Fizika fakültəsinə daxil olmuş və 1971-ci ildə universiteti bitirmişdir.

Seyid-Nisə xanım təyinatla 1971-ci ildə Azərbaycan Elmlər Akademiyasının Fizika İnstitutunda işləməyə başlamışdır. O, işlədiyi müddətdə mütəmadi olaraq elmi tədqiqatla məşğul olmuş və 1980-ci ildə dissertasiya müdafiə edərək fizika-riyaziyyat elmləri namizədi alimlik dərəcəsi almışdır.

“Yarımkeçiricilər fizikası” üzrə dosent elmi adına layiq görülən Seyid-Nisə Seyid-Rzayeva ömrünün sonuna kimi Azərbaycan Milli Elmlər Akademiyasının Fizika İnstitutunda aparıcı elmi işçi vəzifəsində çalışmışdır.

Seyidnisə Seyidrzayeva 2015-ci il avqustun 6-da saat 16 radələrində Bakı şəhərinin Hüseyn Cavid prospektində yolu keçərkən "Daewoo" markalı avtomobillə vurulub. Nəticədə o, xəstəxanaya aparılarkən yolda ölüb.