Sergey Nikolayevich Ryazantsev (1906-1980

Рязанцев Сергей Николаевич (1906-ж. т., Тверь губ.) - советтик экон. географ, географиялык илимд. доктору, проф. (1968).

ММУну бүткөн (1932). 1941- 66-ж. СССР ИАнын Географиялык институтунда улук илимий кызматкер. 1966-жылдан Москва обл. пед. институтунун экон. география кафедрасына башчы. Негизги эмгектери Кыргызстаннды, Казакстандын түштүк райондорун, ошондой эле бүтүндөй Орто Азиянын экон. географиясын изилдөөгө арналган.

Ал Кыргызстанда (СССР ИАнын Кыргыз филиалында) география боюнча тунгуч илимий изилдөө бөлүмүн («экономикалык географиялык топ»; кийин Кыргыз ССР ИАнын экон. сектору болуп кайра түзүлгөн) түзүүнүн демилгечиси болгон. Кыргызстандагы илимпоз-географтарды даярдоого чоң салым кошкон.

• Кыргыз Совет Энциклопедиясы. Башкы редактор Б. О. Орузбаева. -Фрунзе: Кыргыз Совет Энциклопедиясынын башкы редакциясы, 1980. Том 5. Пирс - Токкана. -656 б.