Sergey Gasparyan

Անվան այլ կիրառումների համար տե՛ս՝ Սերգեյ Գասպարյան (այլ կիրառումներ)

Սերգեյ Գրիգորի Գասպարյան (1924, Տոլորս, Հայաստան), հայ մանկավարժ։ ԽՄԿԿ անդամ (1949): Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։

Սերգեյ Գասպարյանը ծնվել է 1924 թվականին, Սիսիանի շրջանի Տոլորս գյուղում։ Սկզբնական կրթությունն ստացել է Սիսիանի շրջանում։ Այնուհետև սովորել է Եղեգնաձորի, Կիրովականի և Երևանի Աբովյանի անվան դպրոցներում։ 1941 թվականի հունվարին ընդունվել է Երևանի ռազմաօդային ուժերի հատուկ միջնակարգ դպրոցի 9-րդ դասարանը, որն ավարտել է 1942 թվականին։

1942 թվականի հունիսին կամավոր մեկնել է կարմիր բանակ, սովորել Աստրախանի ռազմաօդային ուժերի տեխնիկումում, մի քանի ամիս անց մեկնել է 52-րդ հատուկ հրաձգային բրիգադը։ 1942 թվականի դեկտեմբերին Գասպարյանը մասնակցել է Սալսկ, Բատայսկ, Դոնի Ռոստով և այլ քաղաքների ու բնակավայրերի ազատագրմանը։ Դոնի Ռոստովի մատույցներում ցուցաբերած սխրագործությունների համար նա պարգևատրվել է Կարմիր աստղի շքանշանով։ 1943 թվականի հունիսին Դոնի Ռոստովից դեպի արևմուտք մղված մարտերից մեկում Գասպարյանը ծանր վիրավորվել է, զրկվել աջ թևից և մի քանի հոսպիտալներում բուժվելուց հետո, 1943 թվականի սեպտեմբերին, զորացրվել է բանակից։

Զորացրվելուց հետո Գասպարյանը 1943 թվականին ավարտել է Երևանի պետական համալսարանիպատմության ֆակուլտետը և նշանակվել Արտաշատի շրջկենտրոնի միջնակարգ դպրոցի ուսուցիչ։ Երկար տարիներ աշխատել է Արտաշատի բաներիտ, Շահումյան գյուղի միջնակարգ դպրոցներում։ 1949 թվականին Գասպարյանը ընդունվել է կուսակցության շարքերը։

• Կարմիր աստղի շքանշան