Quick Facts
Biography
Həyatı
Bayramov Səyyad İbrahim oğlu 1956-cı ildə Gədəbəy rayonunun Soyuqbulaq kəndində anadan olub. Səyyad Bayramov orta təhsilini başa vurduqdan sonra rəssamlıq təhsili almaq qərarına gəlmiş və 1972-ci ildə Bakıdakı Əzim Əzimzadə adına Rəssamlıq məktəbinə daxil olmuşdur. 1976-cı ildə həmin məktəbi bitirmiş, özünün istedadı ilə seçilmişdir. Səyyad Bayramov rəssamlıq sənətinin sirlərini daha dərindən öyrənmək üçün 1976-1978-ci illərdə Tibilisi Rəssamlıq Akademiyasında da təhsil almış, 1978-1983-cü illərdə isə Moskva şəhərində Ümumittifaq Dövlət Kinoqmotoqrafiya İnstitutunda oxumuşdur. 1983-cü ildə Cəfər Cabbarlı adına «Azərbaycan film» kinostudiyasında ali dərəcəli quruluşçu rəssam vəzifəsində çalışmışdır. 1988-ci ildə elmi ad almaq üçün Moskvada Ümumittifaq Dövlət Kinomotoqrafiya İnstitutunun aspiranturasına daxil olmuşdur və 1992-ci ildə oranı bitirmişdir. Səyyad Bayramov 1996-cı ildə Azərbaycan Elmlər Akademiyasının Memarlıq və İncəsənət İnstitutunda elmi işçi və Azərbaycan Dövlət Mədəniyyət və İncəsənət Universitetində «Kinorejissor və kinooperator» kafedrasında müəllim vəzifəsində çalışır. Səyyad Bayramov sənətşünaslıq elmləri namizədidir. Azərbaycan Vətən Müharibəsi veteranıdır. Eyni zamanda o gədəbyli ziyalıların bir-biri ilə ünsiyyətini yaratmağa çalışan vətənpərvər bir insandır.