Sara Soto Noya

Sara Soto Noya, nada en Santiago de Compostela en 1913 e finada en 2003, foi unha química galega e unha das primeiras docentes de Ciencias da Universidade de Santiago de Compostela.

Sara Soto era filla de León Soto Armesto, médico da Mariña Mercante, e de Dolores Noya.

Estudou o bacharalato no instituto de Santiago e posteriormente realizou os seus estudos na Facultade de Ciencias (Sección Química) de 1930 a 1935.

En 1935 figura como profesora axudante de clases prácticas na materia de Complementos de Física a proposta do catedrático Álvarez Zurimendi.

Tras casar vai vivir a Córdoba, onde colabora na farmacia familiar.

1. ↑ Pintos (2016)
2. ↑ Liste e Pintos

Bibliografía

• Liste López, Socorro; Pintos Barral, Xoana. Las primeras docentes de ciencias en la Universidad de Santiago. (PDF). 
• Pintos, Xoana (2016): "As mulleres nos estudos experimentais na Universidade de Santiago: 1910-1960". Tese de doutoramento. Universidade de Santiago de Compostela.
• Pintos Barral, Xoana (2021). Tiven a chave, a bicicleta e os catro libros. Editorial Galaxia.

Ligazóns externas

• As primeiras docentes de ciencias na Universidade de Santiago de Compostela en Consello da Cultura Galega.