Sándor Dillesz

Sándor Dillesz [ŝAndor diles], laŭ hungarlingve kutima sinsekvo kaj kun plena nomo Dillesz Sándor Erazmus Nepomuki János estis hungara prokuroro, nobela juĝisto. Lia nobela antaŭnomo estis dicskei.

Sándor Dillesz naskiĝis la 14-an de marto 1835 en Verebély, (Hungara reĝlando, Aŭstra Imperio, nuntempa Vráble en Slovakio) li mortis la 28-an de julio 1907 en Nyitrazsámbokrét (Hungara reĝlando, Aŭstrio-Hungario, nuntempa Žabokreky nad Nitrou en Slovakio).

Sándor Dillesz akiris juran diplomon, poste li laboris en la ŝtata administracio. Li estis ĉefprokuroro de Bars, poste distrikta nobela juĝisto (1890 - 1894). Intertempe en 1869 li edziĝis. En la sama jaro li fondis muzeon en Aranyosmarót, kies materialo konsistis ĉefe el propraj kolektoj. Kiel amatora arkeologo li verkis plurajn historiajn artikolojn.

• Barsvármegye 1686-ban (1886)
• Bars vármegye őskora (1903)

• hungarlingva biografio
• hungarlingva biografio (la koncerna teksto estas legebla pli malsupre)
• slovaklingva biografio